PSdG-PSOE de Foz e o seu Grupo Municipal fai unha proposta para ser incluída nos presupostos municipais do Concello de Foz.
Unha vez analizados o borrador do presuposto e as diferentes partidas que o conforman, que suman unha cantidade de 5.865.300 euros de ingresos e a mesma cantidade de gasto, os socialistas fan a seguinte proposta para ser incluída en dito proxecto, “Destinar de certas partidas de gastos tales como, postos da RPT que non se cubren ou de outros gastos sen sentido, a cantidade de 160.818 euros a contratación de 27 traballadores, entre peóns e técnicos, a media xornada e con unha duración de seis meses” sen necesidade de tocar as partidas destinadas a Educación, Sanidade, Protección Social, Deportes e Cultura por consideralas moi importantes para a Cidadanía.
O PSdG-PSOE e o grupo municipal considera esta unha proposta clara e concisa dedicada a mellor obra que se pode facer nestes momentos de cara a axudar ás familias e a creación de emprego. Unha proposta que non é para votar e esquecer, é para acordar, firmar e ser refrendada polo pleno da Corporación en documento firmado e aceptado para o seu desenrolo .
O grupo municipal Socialista tende a man a un acordo co equipo de goberno popular e está disposto a aprobar os presupostos e non facer como fixo o PP que en 16 anos de goberno o socialista nunca votou a favor dun presuposto elaborado polo PSOE.
Con este paso cumprimos perfectamente co anunciado aos veciños e veciñas de Foz aos que lles dixemos non aceptariamos o que propoñía do PP que quería subir todos os impostos e a maiores pedir créditos desorbitados para embarcar o noso concello para un montón de anos, concretamente 10, pero que si aceptariamos un presuposto que non recorte partidas como as antes mencionadas, non experimente subas de impostos indiscriminados para os veciños e veciñas de Foz e incorpore a medida anunciada.
Esta é a proposta socialista, calculada con números e con disposición a ser explicada nos foros do Concello, Xunta de Portavoces, Comisión Informativa e Pleno da Corporación, así como a todas aquelas Asociacións que demanden a nosa intervención.
Querían unha proposta para non perder o tempo e facer posible camiñar cara adiante, esperemos que agora non veñan dicindo coma sempre que non hai cartos, que estamos moi mal, que non ingresamos, a proposta que presenta o grupo Municipal do PSdG-PSOE de Foz é para poñer en práctica ou polo menos discutilo. Sempre dixemos que iamos a contribuír con propostas serias e así o estamos facendo, agora toca mover ficha o PP e o seu grupo.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
