Rematou a tempada 2011-12 de Billarda. O complexo deportivo de Conxo (Santiago de compostela), acolleu aos Campions das cinco conferencias para a disputa das finais absolutas. Ca próxima implantación de céspede artificial, o campo de terra quixo despedirse a galega regalándonos unha xornada pasada por auga de forma que, mais parecía que estábamos a xogar no medio da Ría, enriba do tesón que nun campo deportivo.
A incesante choiva a piques estivo de votarnos para atrás, pero a serpe multicolor da LNB demostrou mais unha vez que contra vento e marea a Billarda tira para adiante. As nosas valentes mulleres non recuaron nin chisco e abriron o fogo ca disputa da súa competición baixo a choiva e pisando as pozas como se de sacar longueiros se tratara.
As carreiras foron pasando e mais de unha favorita quedou fora as primeiras de cambeo (entre elas a vixente campiona Reyes, Raquel, Bea, Begoña ect.etc.), a lameira en que se convertiu o campo puxo a súa parte no desenlace das eliminatorias nas que destacaron as palanadoras do Salnés. Chegou a final unha novata que viña pisando forte nos derradeiros abertos. Lu dos “Corredoria” viuse na final contra Geni de “Os Outros”, veterana excampiona que viña con gañas de repetir título. Enfrontamento moi igualado que tivo que ir ao desempate. Un erro de Geni foi dabondo para que Lu sentenciara e se convertira en Campiona 2012. Terceira foi Elena, dos Bateas e cuarta Cheli dos Corredoiras.
No capítulo de varados, o espectáculo foi mais ben probe. As billardas molladas e rebozadas de area como croquetas, esixían mais forza que destreza para achegalas ao Varal. Despois de sete intentos e de acortar a pista uns metros, so una vez traspasou a liña por dentro do varal. Xan Rodiño de “Bateas” foi o afortunado en tal fazaña.
Ca lixeira melloría do tempo (deixou de chover) deu comezo a competición por equipos. Fixo o saque de honra o ciclista galego Ezequiel Mosquera baixo unha calurosa ovación e repetiu saque o tamen ciclista-LNB Rubén Sánchez, campión galego en ruta e con millor xeito para lle dar a billarda que o seu compañeiro.
Aquí non houbo sorpresa ningunha. Cumpriuse o pronóstico dos favoritos e repetiuse o do ano anterior. Bateas primeiros e Billardeiros Musicais segundos. Terceiros foron os Corredoiras, un gran resultado no seu debut en Conxo.
A final individual absoluta foi moi disputada. Markytos (que xogou tódalas finais ata agora con dous títulos e dous segundos postos), era o máximo aspirante a Coroceiro Nacional pero non puido pasar de cuartos e caeu contra Guille. As dúas semifinais enfrontaron a Guille con Xan Rodiño e por outra banda a Eric con Rubén Otero. O Sur impúxose desta volta os palanadores da Mariña.
Xan Rodiño tiña na súa man acadar os tres títulos en xogo. Xa era Campión en varados, tamén por equipos e faltaba o individual absoluto. Ruben Otero por contra tamén quería recuperar o título que xa acadara en 2009 e xogou maxistralmente para conseguilo. Comenzou a andaina un pouco floxo pero cada carreira subía o seu nivel e a concentración era máxima. Por riba contaba co seu abroncador particular, Serxio, que o increpada duramente antes de cada golpe e abofé que fixo efecto, O de Mos non deu chance a Xan e vestíu a Coroza como bicampeón. Terceiro foi Eric e cuarto Guille.
Houbo trofeos para tódolos gañadores, autoxestionados polas conferencias e co patrocinio de Tenda Galiza, Cervexa Menduiña, Radio Música en Galego e o Concello de Santiago de Compostela os que agradecemos enormemente a súa colaboración e implicación na Billarda.
A tempada regular rematou, agora toca disfrutar dos abertos de verán que se están a espallar por toda a xeografia e cada volta son mais. Comenzamos o domingo en Muimenta, logo no Masma, logo o Año Mouro, logo….moitos, moitos mais.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
