PLÁCIDO DÍAZ: ‘BURELA REUNIRÁ AS MELLORES PROMESAS DO FÚTBOL SALA GALEGO’
A vila burelá e Vista Alegre repetirán o título de anfitrións nunha nova cita copeira, a fase final da Copa da Liga Nacional Xuvenil, coa presenza de Autos Lobelle FS, AD Bueu, Azkar Lugo e, como non!, Burela FS Pescados Rubén, entre o 16 e o 17 de xuño. “Burela reunirá as mellores promesas do fútbol sala galego” asegurou o vicepresidente da Federación Galega de Fútbol e presidente do Comité Galego de Fútbol Sala, Plácido Díaz Fernández.
Tras a escolla de Burela como sede do Curso de Instrutor de Fútbol Sala Base 2011-12 da FGF, a Copa é unha mostra máis da confianza da Federación na entidade laranxa, “unha potencia no fútbol sala tanto por xestión coma por traballo”, segundo cualificou o responsable federativo.
“O Burela FS conseguiu formar un grupo humano e deportivo coa solidez necesaria para posicionarse cos seus equipos sénior entre os mellores, con especial dedicación á base, a pesar das limitacións presupostarias que existen neste deporte e máis na actualidade”, dixo Plácido Díaz, que quixo ademais enviar unha mensaxe de alento ao Burela FS no play off á Primeira División Masculina, ao que xa acompañou na primeira eliminatoria presidindo o palco de Vista Alegre: “Puiden presenciar un partido espectacular; estou seguro de que coa entrega e forza demostradas ante o Manzanares, este equipo dispón das máximas posibilidades para o ascenso no último asalto”.
Plácido Díaz tamén fixo referencia á primeira tempada de vida do comité que preside, incidindo na necesidade de eliminar a repartición e incluso “enfrontamento” de responsabilidades entre a Federación Galega de Fútbol e a Federación Galega de Fútbol Sala para garantir “a boa saúde do fútbol sala”. “Co apoio da Real Federación Española de Fútbol estamos traballando para adquirir a potestade total sobre a regulación de todas categorías polo ben do fútbol sala. Precisamos que sexa só un, o da FGF, o organismo que leve o peso e a responsabilidade da disciplina, como ocorre no resto das comunidades autónomas” aseverou o responsable do comité galego, ao que engadiu que “a base é imprescindible para que a elite funcione, tal e como está se traballando no Burela FS, por iso precisamos que a xestión única resida na na Federación de Fútbol e así poder ampliar a nosa potestade actual, das competicións nacionais, ás autonómicas e locais e regular todas as categorías de base”.
Calendario de Copa
A bomboneira será o escenario das semifinais o sábado 16. A xornada marcará a saída ás 17.00 horas, co duelo entre o Azkar Lugo FS, líder do Grupo A, e o AD Bueu, segundo clasificado do Grupo B; ás 19.00 horas o Burela FS Pescados Rubén, como segundo do Grupo A, pelexará ante o Autos Lobelle FS, campión do Grupo B. O título decidirase o domingo 17, a partir das 12.00 horas.
FOTO: Plácido Díaz (á esquerda), xunto a José Ramón González Casas, presidente do CD Burela FS, José García Liñares, presidente da FGF, e José Luis Sáez, director xeral do CD Burela FS, nunha visita á sede social do club laranxa.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
