Samos, Cospeito e Ribadeo centran a programación de Km0 desta semana, da que gozarán preto de 200 veciños da provincia
– Os participantes, procedentes de Becerreá, San Cibrao, Bóveda e Lugo, coñecerán o patrimonio medioambiental e cultural dos tres Concellos, ademais de dinamizar a súa actividade hostaleira
– Manuel Martínez recibiu este mércores a 55 integrantes da Asociación de Amas de Casa O Urogallo de Becerreá e a outros 55 do CIT sancibrense, que redescubriron o Mosteiro de Samos e as lagoas de Cospeito, respectivamente
Os Concellos de Samos, Cospeito e Ribadeo centran os destinos do programa Km0 da Deputación organizados para esta semana, do que gozarán preto de 200 veciños da provincia. Os participantes, procedentes de Becerreá, San Cibrao, Bóveda e Lugo, coñecerán o patrimonio medioambiental e cultural das tres localidades, ademais de dinamizar a súa actividades hostaleira. A programación desta primeira semana de maio reduciuse a hoxe e mañá xoves, pois o martes non houbo rutas por ser o Día Internacional do Traballador.
O Deputado de Xestión Territorial, Manuel Martínez, recibiu este mércores no Salón de Actos do Pazo de San Marcos ós dous primeiros grupos da semana: 55 integrantes da Asociación de Amas de Casa O Urogallo de Becerreá e 55 do Centro de Iniciativas Turísticas (CIT) de San Cibrao, que redescubriron o Mosteiro de Samos e as lagoas de Cospeito, respectivamente. O colectivo de Becerreá, trala recepción, coñeceu o Centro de Interpretación Terras do Miño, no paseo lucense do Rato, e, en Samos, comeu no Mesón A Pontenova, e visitou a capela do Ciprés e o mosteiro. En canto ós sancibrenses, achegáronse ó Pazo de Sistallo, comeron no restaurante Beiramiño, fixeron un tramo da ruta Lagoa de Cospeito, e visitaron a Torre de Caldaloba e o Museo da Prehistoria de Vilalba.
Para mañá xoves está prevista outra ruta polas lagoas de Cospeito, que realizarán 55 integrantes da Asociación A Lagoa de Rubián, de Bóveda, e actividades da modalidade Km0 Xtreme en Ribadeo, das que gozarán 24 alumnos e profesores da Fundación TIC. Polo que respecta ó grupo de Bóveda, iniciará o itinerario nas instalacións do Centro de Artesanía e Deseño (CENTRAD) da Deputación e continuará na lagoa de Caque, comerá na Brasería Carballeira, en Castro Ribeiras de Lea, fará un tramo da ruta Lagoa de Cospeito e concluirá cunha visita á Torre de Caldaloba e o Museo da Prehistoria de Vilalba. Pola súa banda, a ruta multiaventura que fará o grupo da TIC en Ribadeo consistirá nunha visita a Pozo do Ollo e en actividades de surf e windsurf. A comida terá lugar no restaurante Marinero.
Inscrición rápida e sinxela
Todos os interesados en participar en Km0 poden inscribirse de xeito rápido e sinxelo chamando ó número de teléfono 982-26-00-74/75; ou entrando en www.deputacionlugo.org onde, dende a portada, deberán acceder ó espazo Km0, cubrir o formulario e envialo á km0@deputacionlugo.org A continuación, poderán efectuar o pago, que será de 8 euros para grupos de menos de 24 persoas e individuais, e de 5 euros para grupos de máis de 24 persoas. Quedan excluídos da modalidade de pago todos os colexios e institutos públicos. A institución facilita dúas modalidades de pago: persoalmente no servizo de Tesourería (Pazo de San Marcos) ou nas sucursais de NovaGalicia (co número de conta 20800152663110001425).
A reserva e pago das rutas tamén pode facerse a través da plataforma de comercio electrónico www.losproductosdelugo.com da Deputación, onde o usuario ten que pinchar, á esquerda do portal, no apartado Ocio, onde atopará un link cos itinerarios. Optando por esta alternativa, os participantes teñen un desconto do 10% no custe das actividades.
Remitido
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
