A DELEGADA TERRITORIAL E OS ALCALDES DE CERVO E XOVE COMUNICARON Á DIRECCIÓN E COMITÉ DE EMPRESA DE ALCOA QUE O GOBERNO CENTRAL COMPROMETEUSE CO GOBERNO DA XUNTA PARA REALIZAR UN MARCO ESPECÍFICO PARA TARIFA ELÉCTRICA DE FÁBRICAS COMO A DE SAN CIBRAO
Raquel Arias e os rexedores de Cervo, Alfonso Villares, e Xove, Demetrio Salgueiro, explicaron que as xestións que realiza a Xunta de Galicia, encabezadas polo presidente, darán como resultado un tratamento específico para a factoría por parte do Ministerio de Industria, Enerxía e Turismo
Arias revelou que Alberto Núñez Feijóo reuniuse o luns co titular da carteira estatal, José Manuel Soria, co que abordou a situación da factoría situada en San Cibrao
Cervo, 20 de xuño de 2012.- A delegada territorial da Xunta, Raquel Arias, xunto cos alcaldes de Cervo, Alfonso Villares, e Xove, Demetrio Salgueiro, comunicaron hoxe á dirección e ao comité de empresa de Alcoa que O Goberno central comprometeuse co Executivo galego para desenvolver un tratamiento específico para a tarifa eléctrica de grandes factorías, algo que beneficiará á fábrica de Alcoa en San Cibrao.
O compromiso implica ao Ministerio de Industria, Enerxía e Turismo, logo de que o pasado luns o presidente da Xunta, Alberto Núñez Feijóo, mantivera unha xuntanza co ministro, José Manuel Soria, para buscar unha solución ao problema que manifestaba Alcoa para manter a actividade na Mariña lucense.
A delegada e os dous alcaldes explicaron que o ministerio estudará fórmulas diferenciadas para Alcoa e para as grandes industrias en xeral, debido á especial dificultade coa que deben afrontar, no contexto actual, o aumento dos custos enerxéticos. Esta resolución verase plasmada nunha norma que fará pública o Goberno de España, previsiblemente, antes do mes de agosto.
Neste sentido, o anuncio realizado foi valorado moi positivamente polos dos representantes locais, que nos ultimos meses desenvolveron distintas actuacións e reunións orientadas a afianzar a permanencia da empresa na comarca. Así o alcalde de Xove, Demetrio Salgueiro destacou: “a extraordinaria nova que supón que o ministerio se coordine coa Xunta e dea carácter prioritario a ofrecer un marco axeitado para a continuidade da factoría na comarca da Mariña, polo seu papel fundamental na actividade laboral e económica da zona”.
O alcalde de Cervo, Alfonso Villares, agradeceu á Xunta “todo o seu esforzo e a súa dedicación, que están sendo cruciais para tentar que Alcoa poida dispoñer de enerxía para producir a prezos competitivos que garantan a súa viabilidade no futuro máis inmediato”, un obxectivo que “ademais de favorecer á factoría irá en beneficio dos centos de mariñáns e galegos que dependen directa ou indirectamente da continuidade da empresa”.
“Evidénciase así -afirmou a delegada- o compromiso pleno da Xunta de Galicia e do Goberno central co mantemento dunha factoría fundamental no tecido industrial de Lugo”, que representa arredor do 30% do Produto Interior Bruto da provincia e xera en torno a 2.000 empregos entre directos e indirectos.
“A Xunta –agregou Arias- está totalmente implicada no sostemento e defensa das empresas da nosa comunidade, que son as que en última instancia poden manter os niveis de emprego e condicionar o crecemento da nosa economía”.
Arias e os dous rexedores subliñaron a especial disposición e sensibilidade coa que o ministro José Manuel Soria abordou a situación da empresa de San Cibrao, recoñecendo o peso específico que ten para Lugo e, en especial, para A Mariña, onde actúa como motor económico e social.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
