– A Xunta de Goberno aprobou un convenio coa USC para realizar na Estación actividades formativas, divulgativas e de posta en valor do patrimonio da Comarca
– Con esta axuda a institución impulsa os proxectos dos investigadores para fomentar o desenvolvemento económico desta zona afectada polo despoboamento
A Xunta de Goberno aprobou este venres un convenio entre Deputación e USC para o mantemento da Estación Científica do Courel. O texto establece unha achega por parte da institución luguesa á Universidade de 12.000 euros. Este orzamento adicarase no desenvolvemento de actividades formativas, divulgativas e de posta en valor do patrimonio cultural desta zona da Montaña luguesa.
O voceiro provincial socialista, Manuel Martínez, salientou que con esta axuda o organismo provincial colaborará cos investigadores no na realización de proxectos que impulsen o medio ambiente, “a nosa oportunidade económica”, nunha zona “gravemente afectada polo despoboamento demográfico”·
O obxectivo da Deputación é colaborar coa USC para converter a Estación Científica do Courel nun centro de referencia en investigación e formación no ámbito natural, que faga especial incidencia no progreso social e económico da comarca do Courel, permitindo valorizar o importante patrimonio medioambiental da zona.
Outros acordos
A sesión tamén acordou a conta xustificativa dunha obra do Plan de Comunidades Veciñais, executada no núcleo de Carballa de San Sebastián, no Concello de Palas de Rei. Trátase da dotación dun equipo de son para a igrexa parroquial, que contou cun orzamento de 2.260 euros, dos que a institución luguesa achegou 1.700 euros. Por último, a Xunta de Goberno aprobou o plan de seguridade e saúde no traballo das obras do 1º centro público en Galicia de despece de especies cinexéticas. É o derradeiro e imprescindible trámite para iniciar de xeito inmediato estas actuacións no Concello da Fonsagrada.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
