GONZÁLEZ BARCIA CONVIDA A VECIÑOS E VISITANTES A DISFRUTAR O VINDEIRO 7 DE XULLO DA PRIMEIRA FESTA CASTREZA DE BURELA. O ALCALDE AGRADECE O TRABALLO E O INTERÉS DA ASOCIACIÓN DE COMERCIANTES PARA LEVAR ADIANTE ESTA CITA.
Burela, 28 de xuño de 2012. O alcalde, José Mª González Barcia, convida a veciños e visitantes a disfrutar o vindeiro 7 de xullo da primeira festa castrexa de Burela. O rexedor tivo palabras de agradecemento para a Asociación de Comerciantes e subliñou que nas vindeiras edicións se lle dará un significado máis histórico a esta cita.
A primeira festa castrexa está organizada pola Asociación de Comerciantes de Burela e conta co apoio incondicional do Concello. González Barcia quixo este mediodía “recoñecerlles e agradecerlles o seu traballo e o seu interés para sacar esta festa adiante e pedir a colaboración todos os cidadáns para que participen de forma activa na festa. Queremos que sexa un bó punto de arranque para que se poidan celebrar máis edicións desta festa castrexa. Nós pretendemos, ACIA e o Concello, que esta festa teña a medio prazo a mesma repercusión, salvando as distancias, que pode ter o Arde Lucus en Lugo ou a fin de semana renacentista que se celebra en Viveiro”.
O alcalde burelés contou que “estamos notando moita expectación por parte da xente, sei e coñezo que hai bastantes grupos de persoas que se van integrar en clans para poder participar de forma moi activa na festa. Burela vai estar decorada como se merece para unha celebración tan emblemática e tampouco se nos pode esquecer a perpestiva histórica do festexo. Todo o mundo sabe que en Burela se atopou un torques de orixe celta, vinculado coa cultura castrexa, e o que queremos é darlle un significado histórico a esta festa, por iso o día antes, o 6 de xullo, pronunciará unha conferencia a historiadora, especialista en temática castrexa e directora do Museo Provincial de Lugo, Aurelia Balseiro, para darlle un contido cultural a esta festa”. Pensando xa na celebración de vindeiras edicións José Mª González Barcia explicou que “a idea é que en vindeiras edicións se lle dea a este aspecto maior relieve, tal e como se fixo no Arde Lucus, e que non se vexa só coma unha cita exclusivamente lúdica, senón que sirva para potenciar a festa e as nosas raíces históricas e achegar o seu coñecemento aos máis novos”.
O rexedor cre que “esta festa ten que ser de todos tentando vincular á xente de fora. Convidamos a todas as persoas ás que lles guste o festa, ás que se preocupen polo castrexo e ás que teñan ganas de vivir a vida unha fin de semana a que se acheguen a Burela o 7 de xullo”.
A primeira festa castrexa A guerra dos clans foi presentada este mediodía no Concello. Ao acto asistiu o alcalde, acompañado dos concelleiros de Cultura, Xuventude e Urbanismo, e unha representación da directiva de ACIA Burela.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
