A INCERTEZA DA FORMACIÓN PROFESIONAL
A Consellería de Educación vén de adiantar ao 13 de xullo a data para que os centros teñan a suficiente matrícula (12 alumnos nas cidades e 8 nas vilas) nos ciclos formativos de Formación Profesional para que se poidan impartir o próximo curso. De non chegar a ese número será a Dirección Xeral de Educación, Formación Profesional e Innovación Educativa a que, seguindo o seu criterio, autorice ou non que os ciclos formativos de FP se poidan impartir nos institutos.
O Claustro de Profesores do IES de Foz, celebrado o 27 de xuño de 2012, acordou por unanimidade SOLICITAR á citada Dirección Xeral que aprace tal decisión ata o 13 de setembro (prazo extraordinario de preinscrición), dado que nesas datas se celebran os exames de setembro en ESO, Bacharelato e Selectividade, e polo tanto moitos alumnos non contarían para a toma da decisión da implantación ou non dos diversos ciclos formativos.
O Claustro cre que tomar esa decisión no mes de xullo, sen saber con exactitude a demanda real dos ciclos, suporía tomala con total arbitrariedade, podendo incluso non autorizar ciclos formativos que ó final si terían a suficiente matrícula (xa aconteceu en cursos pasados en moitos ciclos que se imparten na Mariña).
Ó entender do Claustro, e coa lei na man, de tomarse esa decisión no mes de xullo, a Dirección Xeral de Educación podería non autorizar a maioría dos ciclos formativos que imparten os institutos da Mariña por falta de matrícula, o cal suporía un enorme prexuízo para o alumnado que desexa estudiar ciclos de Formación Profesional en toda a Mariña.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
