“É hora de depurar responsabilidades políticas e xudiciais diante da situación de Nova Galiza Banco”
“Non estamos dispostos a ser os avalistas do rescate para a Banca” afirmou Veiga
O BNG ocupa Facenda en defensa dunha nova política económica, en oposición ao rescate do Estado e contra as axudas públicas a Banca.
Un feixe de militantes nacionalistas ocuparon durante dúas horas a sede da axencia tributaria en Foz coincidindo coa campaña da renda diante das información que apuntan ao rescate da banca e tamén atendendo as novas recentes sobre o volume das novas axudas públicas que se lle van achegar a Nova Galicia Banco para demandar unha mudanza nas políticas económicas, defender un novo sistema fiscal que non provoque a carga dos impostos recaia sobre as maiorías sociais e para denunciar as políticas de axudas a banca con diñeiro público.
“Non estamos dispostos a ser os avalistas do rescate para a Banca” afirmou Veiga quen expresou a “enérxica oposición do BNG diante dunha decisión que vai provocar unha perda de poder adquisitivo dos traballadores, unha perda nos seus dereitos sociais e laborais, un aumento do desemprego, o empobrecemento xeneralizado da poboación e a destrución dos servizos públicos.É autenticamente escandaloso que as maiorías sociais nos convertamos nos páganos dos excesos do sector financeiro, un sector que nos anos da vacas gordas non socializou o beneficio e agora pretende que sexamos todos quen paguemos a súa factura. Atoparanos na Rúa e no Parlamento todas aquelas medidas que van vinculadas ao mesmo e que o uníco que van contribuír e a facer máis dolorosa a situación económica”.
O Responsábel Comarcal do BNG, Antonio Veiga, denunciou que “ non é de recibo que co diñeiro de todos os cidadáns o Estado proceda a inxectar diñeiro público ao sistema financeiro, diñeiro que acada cantidades escandalosas e diñeiro, que desde logo non chega a quen máis o precisa, isto é as familias, autónomos e Pemes. É necesario que o circuíto do credito non fique parado se queremos que sexa posíbel o mantemento da actividade económica e particularmente que se cree emprego, pero o crédito só vai chegar a sociedade a medio dunha Banca Pública. Pero hai máis, non podemos dar por bon as políticas de rescate a banca, cando as cantidades son as que estamos coñecendo estes días. Xa sabemos que os 4.500 millóns que o estado vai inxectar agora en Nova Galiza Banco, ao que demos sumar outros 3.100 que foron achegados anteriormente, non é un caso único no conxunto do sistema financeiro español, pero o que nos parece escandaloso é que os responsábeis da situación actual da entidade, os directivos que os situaron nunha situación de quebra, non asuman ningún tipo de responsabilidade. Insistimos é hora de que o Parlamento de Galiza, dadas as competencias que ten a Comunidade Autónoma en materia financeira, investigue a xestión e depure as responsabilidades da situación actual. Os mesmos que directivos que marcharon para a casa con indenimzacións millonarias son os que hoxe deben responder política e xudicialmente”.
“As políticas económicas do PP e do PSOE fracasaron, polo que son necesarias novas medidas”, afirmou o Portavoz do BNG, quen “defendeu a necesidade dunha nova política fiscal que obrigue a pagar a quen máis ten, unha política fiscal que combata o fraude e non que promova amnistías para as grandes fortunas que defraudan. Unha nova política económica que sitúe como prioridade a loita polo emprego e que por conseguinte ten que investimento público e desde logo a posta en marcha de novas políticas que non convertan a crise nun factor que contribúa a aumentar as desigualdades sociais. Nestes catro anos de crise vivimos retrocesos sociais inimaxinábeis, fronte a isto non é hora de resignación senón de loita”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
