Candia pídelle a Besteiro que explique aos seus edís a verdade sobre os proxectos de construcción e xestión das mini residencias
. Os populares lembran que Besteiro asumiu un compromiso coa localidade, materializado na adxudicación da obra da residencia en datas próximas as pasadas eleccións municipais
. Unha vez máis a falta de verdade e a manipulacion son a tónica predominante no proxecto das mini-residencias
Lugo a 8 de xuño de 2012.- A voceira do PP na Deputación de Lugo, Elena Candia, pídelle ao Presidente da Deputación, José Ramón Gómez Besteiro, que informe aos edís do seu partido nos concellos, onde proxectou e non cumpriu a construcción e xestión de mini-residencias.
Candia insta a Besteiro a que lle explique a voceira de Trabada, desinformada totalmente, que é coñecedor de que SUPLUSA ten que inscribirse no rexistro de entidades prestadoras de servizos sociais sociais, algo do que carece.
“Fai unha semana o PP puxo de manifesto que SUPLUSA non figura inscrita no Rexistro único de entidades prestadoras de servizos sociais. Parécenos increíble e inexplicable o descoñecemento desta norma, o que fai indicar que aquí o que sucede é unha terrible falta de vontade”- afirma Candia.
A voceira dos populares na Deputación de Lugo lembra que antes das eleccións municipais, o Señor Besteiro, anunciaba a bombo e platillo que tiña todo listo; de feito adxudicou días antes das eleccións a construcción desa miniresidencia, desto fai máis dun ano- recorda Elena Candia.
Recorda a voceira dos populares as datas e o procedemento empregado polo señor Besteiro para a suposta construcción da miniresidencia:
-31 de xaneiro de 2011 asinase un convenio entre a Deputación de Lugo e o Concello de Trabada para a construcción e xestión das mini residencias.
-18 de maio de 2011 o señor Besteiro asina o pliego administrativo no que se recolle a adxudicación provisional a unha empresa
-27 de decembro de 2011, data da Xunta de Goberno, na que se formalizan as operacións de crédito para que o concello lle faga fronte aos 200.000 euros do convenio de xaneiro entre a Deputación e o Concello e aos 83.900 euros da adquisición do solar (o Concello de Trabada asume a limpeza e mantenimiento da parcela dende a súa adquisión por parte de SUPLUSA)
Candia lamenta que o Presidente da Deputación continue no seu afán de manipular e facer demagoxia e manifesta que xa que o señor Besteiro conta cun amplo número de asesores, deberían formalo a él e aos representantes locais para non cometer estos erros e informar ben a cidadanía.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
