MANUEL PARGA INSTA Á XUNTA A QUE RECTIFIQUE E VOLVA DOTAR Á MARIÑA DUNHA EMBARCACIÓN DE VIXÍANZA PESQUEIRA
O deputado nacionalista advirte de que é o sector o que está tendo que asumir os labores de loita contra o furtivismo, que aumenta de forma alarmante como consecuencia da crise
Santiago de Compostela, 22 Xuño 2012.- O deputado do GP do BNG Manuel Parga emprazou hoxe á consellería de Medio Rural e Mar a que rectifique e dote de novo á Mariña dunha embarcación de vixíanza pesqueira.
Manuel Parga denunciou, a través dunha pregunta parlamentar, a decisión adoptada hai xa máis dun ano polo goberno da Xunta de suprimir a embarcación Punta Roncadoira, con base no porto de Celeiro e cunhas características que lle permitía realizar traballos nun amplo radio de acción.
Tratabase dunha embarcación moi importante para a comarca, que podía servir non só para a inspeción pesqueira senón tamén para realizar tarefas de loita contra a contaminación mariña e de salvamento.
Para o deputado nacionalista, a decisión adoptada polo executivo de Feijóo é un “retrato perfecto” das contradicións nas políticas do PP, en función de se son goberno ou son oposición.
Neste sentido, lembrou como o deputado popular pola Mariña José Manuel Balseiro chegou a acusar á anterior consellería de Pesca de ser “cómplice do furtivismo” porque a embarcación de vixianza só tiña un tripulante e non estaba dispoñible as 24 horas os 365 días do ano.
“Mais que di agora, alén da propaganda e o autobombo, cando xa non hai nin embarcación?. Esta situación si é de complicidade pero coa desproteción da comarca e do seu sector do mar, co seu deterioro. É este o grande compromiso da Xunta cos mariñeiros e mariscadores e mariscadoras da Mariña?, preguntou Parga.
Incremento do furtivismo
O parlamentar nacionalista advertiu de que a falla dunha embarcación de vixianza ten consecuencias aínda máis graves en momentos de crise como o actual, no que se recrudecen os episodios de furtivismo, e alertou de que teñen que ser as propias mariscadoras as que asuman as tarefas de vixianza.
Parga explicou que o sector está facendo un grande esforzo para loitar contra o furtivismo e poder defender así o seu traballo e puxo algún exemplo, recollido polos medios de comunicación, do pasado mes de Abril, como o das denuncias das mariscadoras de Ribadeo que viron como os furtivos levaron toda a ameixa fina.
Para o deputado nacionalista, cómpre unha rectificación urxente por parte da consellería porque o sector do mar é un dos máis importantes na comarca, que xa está sendo moi castigada pola crise, cun incremento do paro en tres anos de case o 50 por cento, “e non nos podemos permitir perder tamén o traballo da pesca e o marisqueo por falta de vixíanza”.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
