O director do INSS visita a Casa do Mar un día despois de reunirse co alcalde para o desbloqueo da cesión do inmoble ao Concello
-Antonio Nores achegouse ata San Ciprián acompañado de persoal do INSS para coñecer de preto a situación do edificio
-O alcalde cervense agradeceulle a Nores a súa dilixencia e receptividade con este asunto que levaba tres anos paralizado polos anteriores responsables do organismo
Cervo, 8 de xuño de 2012-O director provincial do INSS e da Tesourería Xeral da Seguridade Social, Antonio Nores, achegouse esta mañá ata a Casa do Mar de San Ciprián para coñecer en primeira persoa o edificio, as súas instalacións e o seu estado, acompañado ademais de persoal do organismo. Nores realiza esta visita só un día despois de terse reunido en Lugo co alcalde de Cervo, Alfonso Villares, e co subdelegado do Goberno, Ramón Carballo, co obxectivo de axilizar a cesión do edificio ao Concello cervense.
Trátase da primeira vez que un responsable do INSS, o organismo propietario do inmoble, se amosa interesado pola petición iniciada polo Concello hai preto de 3 anos para xestionar e aproveitar un edificio que dende o verán de 2008 se atopa baleiro. De feito, Nores leva menos dun mes ostentando o cargo de director do INSS e da Tesourería Xeral da Seguridade Social, xa que foi nomeado o 22 de maio.
“Recen chegado ao posto Antonio Nores amosou unha gran sensibilidade neste asunto e unha grande preocupación polo desuso e o deterioro dun edificio público do que se podería estar beneficiando a veciñanza dende hai anos” explica o rexedor, “unha dilixencia e unha eficacia na xestión dos recursos que xa demostrou onte durante a reunión, na que manifestou o seu compromiso de axilizar a cesión; e hoxe, un día despois, visitando a Casa do Mar para coñecer máis de preto a problemática” engade Villares.
O mandatario cervense amosouse satisfeito dos moitos avances a favor da cesión do inmoble que se están dando en tan pouco tempo. “Entre onte e hoxe, en só dous días, déronse máis pasos para tramitar a cesión da Casa do Mar que en tres anos” asegura o rexedor, e lamentou que “a ineficacia dos anteriores xestores e a súa desidia provocaran o desaproveitamento dun edificio tan céntrico e útil para a veciñanza”, especialmente cando se trataba duns trámites “que se poderían ter realizado en pouco tempo”. Aínda así, para o mandatario cervense, o máis grave é que “as xestións nunca se chegaron a iniciar e probablemente non terían arrincado de non ser pola entrada dos novos responsables”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
