Jose Manuel Balseiro cualifica esta obra como prioritaria para a Mariña de Lugo e adianta que o PP “non renuncia e mantén o compromiso” de executala segundo o adiantado polo Presidente da Xunta
O PP MANTÉN O SEU COMPROMISO COA AMPLIACIÓN DO HOSPITAL DA COSTA E ANUNCIA A PRESENTACIÓN DUNHA INICIATIVA PARA IMPULSAR ESTA ACTUACIÓN
A proposta de socialistas e nacionalistas falaba de poñer en marcha “un plan director do Hospital da Costa”, que non existe porque o bipartito nin o elaborou nin lle dotou de orzamento real
O Plan funcional que data do ano 2009 ademais de ser un documento incompleto e obsoleto non incorpora as necesidades en infraestruturas e ferramentas tecnolóxicas modernas conforme ás novas técnicas médico-cirúrxicas
Santiago, 20 de xuño de 2012.- Logo da falta de vontade de PSOE e BNG por chegar a un acordo hoxe no seo da Comisión de Sanidade do Parlamento de Galicia, o deputado popular Jose Manuel Balseiro confirmou que o Grupo Parlamentario Popular e polo tanto, a forza de goberno na Xunta, presentará unha proposición non de lei na que reafirmará o seu compromiso coa ampliación do Hospital da Costa e co estudo das fórmulas de financiamento e xestión precisas para impulsar e acometer esta obra.
“Apostamos por esta ampliación. Somos os primeiros interesados nela. Mantemos o compromiso de adaptar o Hospital ás necesidades asistenciais actuais, tal e como explicou e comprometeu o propoio Presidente da Xunta”, dixo Balseiro, quen anotou que “farémolo garantindo que a obra proxectada converta ao Hospital da Costa nun centro hospitalario moderno, na vangarda das novas tendencias médico-cirúrxicas e non poñendo en marcha un proxecto caduco, que faga que unha vez rematadas as obras, o hospital xa quede obsoleto”
Os popualres defenden que “a ampliación do Hospital da Costa é a obra prioritaria da Mariña e sinalan que fronte aos anos de sequía do bipartito, “durante os que o compromiso foi cero e o investimento en obras tamén cero”, a Xunta debe continuar impulsando as melloras asistenciais e desenvolvendo unha xestión eficiente, como instrumento para garantir o mantemento das prestacións e os servizos”. Neste sentido, Balseiro lembrou que “foi o PP quen levou adiante a obra de ampliación da área de maternidade, reforma da cuberta, rampa e zona de acceso, ademais de dotar a este hospital de novos aparatos e tecnoloxías que precisaban ser renovadas. “Actuacións que puido e non quixo levar adiante o bipartito”, indicou.
Por outra banda, Jose Manuel Balseiro puxo de relevo o cambio de discurso do PSOE e BNG, sobre todo dos nacionalistas, “que de asegurar que o hospital iba que pechar e que teríamos que marchar a Lugo, agora recoñecen que a prioridade é amplialo, porque está funcionando a pleno rendemento”
ASBURDOS E CONTRADICIÓNS DE PSOE E BNG
Balseiro explicou que “foi imposible sumarse á inicitiva do PSOE debatida hoxe na Cámara galega porque, entre outras razóns, incorría en múltiples absurdos e contradicións”. Os socialistas, que dicían que se trataba dunha obra urxente, levaban 16 meses coa iniciativa rexistrada no Parlamento e sen tratala. Incluso o acordo proposto era erróneo, xa que pedía poñer en marcha o plan director durante o ano 2011, cando esta data está máis que superada, pois estamos en xuño do 2012. “O que dá mostra da falta de seriedade e rigor nas súas propostas”, manifestou o deputado popular.
O texto final transaccionado entre socialistas e nacionalistas falaba de poñer en marcha “un plan director do Hospital da Costa, que non existe porque o bipartito nin o elaborou nin lle dotou de orzamento algún. Actualmente tan só existe un plan funcional elaborado no seu día polo bipartito, “que ademais de ser un documento incompleto e obsoleto non incorpora as actuais necesidades en infraestruturas e ferramentas tecnolóxicas modernas conforme ás novas técnicas médico cirúrxicas”, sinalou.
Os populares manteñen que a ampliación do Hospital da Costa ten que facer deste un centro de vangarda, que inclúa, por exemplo, as dotacións e infraestruturas necesarias para aplicar as técnicas cirúrxicas laparoscópicas (operacións con mínimas incisións), salas de probas para endoscópias, novos espazos para cardioloxía, e espazos para novas unidades de corta estancia, medicina cirúrxica, coidados intermedios e aumentar a UCI. Algúns destes espazos non están contempaldos polo plan do bipartito.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
