O pasado xoves día 31 de maio celebramos no Concello de Burela, un pleno ordinario onde os puntos a tratar non tiñan ningunha vinculación para acadar melloras para os veciños.
É significativo que este equipo de goberno (do PP) impuxera unha cadencia de celebración de plenos cada dous meses, (na anterior etapa había un pleno ordinario mensual) onde se levan puntos a tratar soamente para encher o espazo da orde do día.
Dous puntos eran de carácter administrativo: modificación orzamentaria e recoñecemento extraxudicial de créditos. Aprobáronse por unanimidade.
E tres puntos eran de solicitude: dúas dirixidas a Fomento e unha dirixida a Deputación.
Solicitouse a Fomento a transmisión da titularidade de dous tramos da vía de servizo da variante. A: Inicio no deslinde co concello de Foz e remate na rúa do Instituto(1430 metros). B: Rúa do Instituto ata Luís Seoane (900 metros).
Estas dúas solicitudes aprobáronse coa nosa abstención porque entendemos que o que realmente interesa ao Concello de Burela é a titularidade da variante, onde se inclúen as vías de servizo, porque daría posibilidades urbanísticas. O Grupo Socialista fixo alegación ó PXOM para que esta posibilidade sexa real ó propoñer que o trazado da autovía Barreiros- S.Cibrao, fose a que se aprobou por unanimidade polos grupos políticos e asociacións e entidades de Burela. Si esta alegación é aceptada, a variante pasaría a titularidade municipal.
Á Deputación de Lugo solicitouse a transmisión da titularidade do tramo urbano entre o Porto de Burela e rúa Villaestrofe pasando por rúa Eijo Garai e Pascual Veiga. Esta solicitude aprobouse por unanimidade, de feito o concello leva moitos anos tratando este tramo como propio.
Unha vez rematado o “debate” sobre estes interesantes puntos o goberno municipal do PP sorpréndenos presentando dúas mocións que fotocopiaron dun modelo realizado pola dirección do partido e que por consigna se presentan en concellos e Deputación.
As dúas mocións teñen en común evadir á Xunta e Goberno Central de responsabilidades, botando balóns fóra, e envaiñar á Deputación estas responsabilidades.
Primeira moción: Moción do Partido Popular sobre Servizo Municipal de Axuda no Fogar.
Nesta moción o PP solicita á Deputación de Lugo o financiamento do servizo de axuda no fogar básico e do persoal técnico dos equipos municipais de servizos sociais comunitarios para as corporacións locais dos concellos de menos de 20.000 habitantes.
Realizan esta petición por que a Xunta aprobou un decreto (99/2012) onde se regulan os Servizos Sociais Comunitarios e suprime o financiamento autonómico das Axudas no Fogar para persoas nos recoñecidas como dependentes nos Concellos de menos de 20.000 habitantes.
Este decreto obriga ás Deputacións a asumir o financiamento das Axudas no Fogar nos concellos de menos de 20.000 habitantes (todos os da provincia, agás Lugo).
As cantidades necesarias para este servizo eran aprobadas no Parlamento Galego anualmente para facer fronte ó cumprimento dos gastos derivados do exercicio das Competencias da Xunta de Galicia en materia de servizos sociais. O goberno galego está obrigado a financiar mediante os seus presupostos as Axudas no Fogar e transferir a todos os concellos (sen ter en conta o número de habitantes) os medios económicos necesarios. Con este decreto, a Xunta non aplica a Lei de Servizos Sociais e evádese da responsabilidade económica. Por conseguinte, o grupo socialista votou en contra desta moción e propuxo a derogación do decreto 99/2012.
Segunda moción: Moción do PP relativa ao mantemento do nivel de investimento no plan de obras e servizos (POS).
Con esta moción o grupo popular pretende que a Deputación de Lugo reoriente unha porcentaxe da partida orzamentaria destinada ao Plan de Cooperación con Entidades Asociativas, Agrupacións e asociacións de Veciños para manter o investimento do POS.
Fíxense ben. O goberno Central do PP a través do Ministerio de Administracións Públicas, elimina este ano as aportacións do Plan de Obras e Servizos (POS), que no ano 2011 ascendía a 83 millóns de euros. Qué propón o goberno do concello de Burela para manter os recursos do POS? Propón reducir ou eliminar as axudas que aporta a Deputación as Asociacións veciñais para xestionar os concellos estes recursos. Con isto demostran que son uns insolidarios e que non son capaces de defender os intereses dos veciños ao non atreverse a reclamar ó Goberno Central as aportacións que deixaron de aplicar.
Onde queda claro a calidade política e persoal do alcalde, sobre información e transparencia da súa xestión, é no apartado de rogos e preguntas. A cada pregunta feita pola oposición ou ben non a contesta ou ben recorre ó método da resposta infantil.
Dous Exemplos:
Pregunta.- Para o curso que ven o servizo de auxiliares de comedor que se presta nos colexios vai a ser privatizado?
Resposta.- “pode que si, pode que non”.
Pregunta.- Canto tempo estivo aberto o público o Barco Museo no que levamos de ano?
Resposta.- O que nos pareceu oportuno.
De momento, e xa levamos un ano, este equipo de goberno da a imaxe de non estar á altura das esixencias e demandas que precisan os veciños de Burela.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
