MAITE TAMÉN QUEDA NO BURELA FS
A ala Maite García de la Montaña tamén quedará nas filas burelistas a vindeira tempada. A cacereña, de 24 anos, asumirá o segundo ano laranxa “coas mesmas boas sensacións e esperando superar os logros persoais e do equipo”.
“O Burela FS sempre se caracterizou por ser un cadro moi loitador. Con esta premisa e coa maioría do bloque da tempada pasada garantido, poderemos superarnos, aínda que sabemos que será un reto de altura” asegurou Maite, que tamén apuntou a necesidade dalgunha incorporación no ataque para mellorar metas: “Creo que precisamos algunha xogadora para matar arriba; esa foi unha das nosas tarefas pendentes na tempada e oxalá ese reforzo poida chegar este ano”.
Con respecto ás noticias que van chegando da liga, Maite aplaudiu a entrada en Primeira doutro galego, o Viaxes Amarelle: “Será unha competición repleta de derbis; para nós será xenial porque estes partidos teñen algo especial” sinalou a xogadora.
Maite chegou en 2011-12 ao Burela FS procedente do Diamante La Rioja como subcampioa da Copa de España Burela 2011, igual que a tamén renovada Peque. Tras o Neumáticos Navalmoral (1997-2000) e CF Abetxuko (2000-05), a ala militou no Viajes Bidasoa (2005-08), de Prata, antes de vincularse á entidade rioxana en 2008.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
