A Deputación promociona a riqueza artesanal da provincia no Festival de Ortigueira, que reúne a 100.000 persoas
– O organismo provincial aproveitará a gran proxección deste evento cultural para mostrar nunha exposición instalada no consistorio do Concello coruñés 260 pezas cedidas ó CENTRAD por 47 artesáns lugueses
– Haberá traballos de cestería, olería de Bonxe e Gundivós, reproducións castrexas e romanas, pedra, madeira, metal, téxtil, instrumentos musicais, vidro, ourivaría, coiro e complementos
– Con esta mostra, a Deputación abre unha programación de exposicións itinerantes para potenciar e abrir novas oportunidades de comercialización ó sector artesanal lugués
A Deputada de Deseño e Artesanía, Regina Polín, acompañada pola Concelleira de Cultura e Turismo de Ortigueira, María Cruz Sabio, presentou este xoves neste Concello coruñés a exposición artesanal que o Centro de Artesanía e Deseño (CENTRAD) da institución provincial leva ó Festival Internacional do Mundo Celta desta localidade. Trátase dunha cita declarada Festa de Interese Turístico Internacional que reúne a unhas 100.000 persoas, segundo datos oficiais da última convocatoria, e que se celebra dende hoxe e ata o domingo. Polín destacou que o organismo provincial participa por 1º vez nesta cita, aproveitando “esta oportunidade económica única para impulsar a tradición artesanal de Lugo e xerar riqueza na provincia cunha mostra dos traballos de 47 profesionais lugueses deste sector”.
A exposición, situada na Casa Consistorial de Ortigueira e aberta ó público en horario de 10:00 a 22:00 horas, de venres a domingo, está composta por un total de 260 variadas pezas que artesáns da provincia puxeron a disposición do CENTRAD, conformando unha panorámica do feito á man nos últimos vinte anos polo sector artesanal lugués, e que vén significando o escaparate do traballo feito pola área de Deseño e Artesanía en diferentes ámbitos.
Haberá traballos de cestería (palla, silva, sombreirería ou láminas de madeira), olairía de Bonxe e Gundivós (olas, botixos, canecos, xarras, tixolas), reproducións castrexas e romanas (vasillas, lucernas e mosaicos), pedra (reloxos de sol, peregrinos ou trisqueis), madeira e metal (zocas ou sellas), téxtil (lino ou encaixe); instrumentos musicais, vidro, ourivaría, coiro e complementos.
A Liorta Folk da Pastoriza
O Concello de A Pastoriza tamén estará presente no consistorio de Ortigueira promocionando o festival A Liorta Folk, que celebrou a súa primeira edición o pasado mes de maio. Este festival pon a disposición dos músicos afeccionados ó folk unha oportunidade de demostrar a súa capacidade e interpretar as súas propias pezas, servindo de punto de encontro para todos aqueles que entenden o folk como estilo de vida.
Mostras itinerantes
O proxecto expositivo que a Deputación de Lugo leva a Ortigueira supón, en definitiva, o arranque dunha nova etapa, que incluirá unha programación de exposicións itinerantes, tanto polos concellos de Lugo, como por aqueloutras localidades ou eventos que sirvan para promocionar e abrir novas oportunidades de comercialización ós artesáns lucenses. A exposición irá acompañada en cada caso de reunións de traballo e actividades paralelas encamiñadas ao fomento de accións de deseño e promoción comercial. A primeira saída terá lugar mañá venres, día 13, coa directiva da Asociación SALA, de ámbito rexional e con sede en Viveiro. A Deputación de Lugo pretende, grazas a esta oportunidade, non só facer visible e posicionar adecuadamente o traballo do CENTRAD, senón tamén promover a cooperación productiva empresarial, o emprego e o deseño como un dos piares básicos para o desenrolo da economía e da sociedade lucense.
Festival de Ortigueira
O Festival de Ortigueira é un referente mundial de folk con unha longa traxectoria e indiscutible repercusión mediática e social. No ano 1978 naceu este evento musical de mans da Escola de Gaitas de Ortigueira e, malia a súa boa acollida, interrompeuse durante un lustro. Xa no ano 2000, dentro desta multitudinaria cita anual, ábrese un novo horizonte musical cara a outro tipo de música que non ten porque ser estritamente celta. Paralelamente ó festival terá lugar unha feira de artesanía, un programa de radio, as exposicións A gaita e as orixes do Festival Celta e Antoloxía do Festival, así como a estrea do documental “DefoI XXI”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
