Todo parece indicar que o bipartito comete errores nos trámites para a elaboración do PXOM
O PP de Mondoñedo preguntará en pleno o porqué non se somete a aprobación provisional o PXOM cando se comprometera a facelo na pasara sesión e presentará propostas vía urxencia
O PP denuncia a deixadez de xestión do equipo de goberno, que mantén xuntanzas preparatorias do PXOM coas Consellerías competentes uns días antes da data na que se pretendeu someter a aprobación provisional o plan, trámites que se deberían ter celebrado varios anos antes
Salvo outra información, O PP pedirá vía urxencia que o bipartito solicite por escrito de xeito inmediato a declaración de inviabilidade de sometemento ao trámite de avaliación ambiental estratéxica do PXOM, amparando esta solicitude polo informe xurídico dos servizos municipais
Mondoñedo, 25 de xullo de 2012- O Partido Popular de Mondoñedo pedirá na sesión plena de mañá explicacións sobre a tramitación a que se está a someter o Plan Xeral de Ordenación Municipal da localidade. Os populares mindonienses preguntarán o porqué o grupo bipartito non someteu aínda a aprobación provisional o proxecto do PXOM e así mesmo presentará propostas por vía de urxencia que permitan axilizar esta situación, que amosa letargo e incluso chega a ser sospeitosa.
Os populares recordan que o grupo de goberno do Concello de Mondoñedo tiña previsto levar a pasada sesión plenaria a aprobación provisional do Plan Xeral de Ordenación Municipal, provocando incluso un retraso na celebración da sesión ordinaria.
O PP demanda máis información en relación a este proceso e todo parece indicar que a situación amosa que o equipo de goberno pretende que o PXOM non teña que cumprir co trámite de avaliación ambiental estratéxica. Os populares explican que este trámite tería que ser solicitado antes do 2010, para poder acollerse desta maneira a unha disposición transitoria da Lei 9/2006 do 28 de abril. O bipartito liderado por Orlando González non materializou este trámite, requisito indispensable.
A deixadez de xestión produtiva do goberno local volve de novo a ser patente na axilización do proceso de elaboración do PXOM. Tanto é así, que o PP local considera inexplicable que as primeiras reunións que os membros do bipartito manteñen coas consellerías correspondentes prodúcense só uns días antes de que o equipo de goberno pretendera someter a aprobación provisional en sesión plenaria o proxecto do PXOM. Os populares consideran que estas reunións deberán producirse como moi tarde a principios de 2010, momento no que sería posible o acollemento a disposición transitoria cun resultado positivo.
Esta situación amosa unha vez máis a ineficacia, a fala de xestión e os erros continuos cometidos polo equipo de goberno do Concello de Mondoñedo, que repercuten en proxectos de importante calado para os veciños e que conlevou unha considerable inversión pública.
A reacción a esta actitude do bipartito por parte do PP quere ser “constructiva e responsable”, e recordan que o programa electoral do populares recolle este compromiso de materialización do PXOM. Polo que buscan permitir e non dificultar que Mondoñedo dispoña dunha ferramenta indispensable, sobre todo no rural.
Co único propósito de axilizar este proceso, o Grupo Municipal do Partido Popular proporá vía urxencia ao equipo de goberno que se dirixa en primeiro lugar á Consellería de Medioambiente, Territorio e Infraestruturas e en concreto, ao departamento competente, para que soliciten por escrito a declaración vía urxente, senón o fixo xa, de inviabilidade de sometemento ao trámite de avaliación ambiental estratéxica, apoiado polo correspondente informe dos servizos xurídicos municipais.
Nun pleno cargado de tinte político e sen priorizar as necesidades de Mondoñedo, o PP tendo en conta as preocupacións reais, intentará evitar a perda de tempo na redacción do PXOM, co obxectivo de que se faga realidade un compromiso amosado cos mindonienses, atopándose detrás da súa ralentización un erro claro do bipartito. O PP busca estar ao lado dos veciños e manterá o seu compromiso de información.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
