O Grupo local pregunta en pleno pola convocatoria do SAF da Deputación
O PP local pide explicacións pola non solicitude por parte do Concello da Pontenova da liña de subvención aprobada pola Deputación para o Servizo de Axuda no Fogar
O concello da Pontenova non figura entre a listaxe de municipios solicitantes da axuda da Deputación provincial destinada a sufragar unha parte dos custos locais en materia de servizos sociais
O portavoz popular, Jorge García, recorda que o goberno municipal pretende incrementar as contías que os usuarios do servizo deben aportar ao Concello
A Pontenova 26-07-2012. O portavoz do Partido Popular na Pontenova, Jorge García García, pediralle explicacións na próxima sesión plenaria ao rexedor local, o socialista Darío Campos, sobre a non inclusión do municipio da Pontenova entre os concellos que se acolleron á solicitude da subvención, en réxime de concorrencia competitiva, destinada a gastos correntes do Servizo de Axuda no Fogar aprobada pola Deputación provincial durante a anualidade 2012. Tras facerse pública a listaxe de subvencións aprobadas pola Deputación provincial, os populares queren saber o porqué o goberno local da Pontenova non figura como solicitante deste tipo de axudas concedidas aos entes locais para contribuír a manter o Servizo de Axuda no Fogar.
A través dunha pregunta na próxima sesión plenaria, o portavoz popular quere coñecer os motivos que levan a un rexedor local a privar aos usuarios do programa SAF, deste tipo de concesións económicas que permiten mellorar as condicións de vida das persoas con dependencia. O portavoz popular da Pontenova acusa ao equipo municipal de profesar unha xestión de goberno caracterizada pola deixadez e pola toma de decisións que repercuten continuamente de forma negativa no día a día dos cidadáns na localidade da comarca da Mariña.
Jorge García cualifica de contraditoria a política que está a desenvolver o goberno local en materia de servizos sociais. O popular recorda que o rexedor da Pontenova formou parte da comisión de alcaldes e portavoces creada por Vicepresidencia do organismo provincial co obxecto de esixirlle á Xunta de Galicia unha mellora na súa aportación ao Servizo de Axuda no Fogar, trala aprobación do novo decreto regulador dos Servizos Sociais que completa a lei aprobada polo bipartito no 2008 e lexisla a aportación das deputacións nesta materia. Jorge García critica que un rexedor que formou parte desta comisión agora, á hora de solicitar a contía que ofrece o organismo provincial para os concellos de Lugo, non cumpre co seu deber. Segundo Jorge García, Darío Campos amosa unha intencionalidade xestora carente de medidas produtivas que repercutan de forma positiva para os veciños.
Segundo o portavoz popular esta non é a única medida que conleva consecuencias negativas para o mantemento deste servizo. O portavoz popular recorda o plan de axuste do concello, elaborado en función do decreto de pago a proveedores promovido polo Executivo central, e sen consenso co Grupo Popular Municipal. Neste plan, o goberno local pretende incrementar a contía que o Concello lles cobrará aos usuarios do Servizo de Axuda no Fogar. Ante isto, Jorge García pregúntase o porqué o rexedor local deixa de percibir axudas do ente provincial e incrementa o custe do servizo a nivel local.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
