PAMPLONA, PRIMEIRO DESTINO DO CADRO DE JAVIER PARDEIRO EN 2012-13 (15 de setembro)
Pamplona será o primeiro destino para o cadro de Javier Pardeiro no comezo da Primeira División; será o 15 de setembro ante o CD Orvina. A Federación Galega de Fútbol fíxolle chegar ao Burela FS Pescados Rubén o calendario oficial esta mañá.
A Primeira División Feminina estará composta por 16 equipos, coa presenza de 4 galegos. Xunto ás burelistas e navarras, competirán Gironella, Ponte Ourense, Cajasur Córdoba, Soto del Real, Atlético de Madrid, FSF Móstoles, Alicante, Cidade das Burgas, Valladolid, FSF Rioja, coas novidades do Roldán (Murcia), Centelles (Barcelona) e Viaxes Amarelle (A Coruña) e o regreso do madrileño Ciudad de Alcorcón.
O primeiro derbi irmandiño para as laranxas será na pista do Ponte Ourense, o 29 de setembro. Vista Alegre estrearase nestas lides o 24 de novembro fronte ao Cidade das Burgas; na segunda volta, tocaralles ás pontinas, o 9 de febreiro, e ás do Amarelle, o 2 de marzo.
O peche do ano coincidirá coa décimo terceira xornada, o 22 de decembro, na bomboneira co novel Roldán. As burelistas retomarán a liga en 2013 o 12 de xaneiro, na casa do Atlético de Madrid.
As mariñás rematarán a competición o 18 de maio de 2013, lonxe de Vista Alegre medíndose ao Cajasur Córdoba.
Primeira xornada
Gironella-Ponte Ourense
Orvina-CD Burela FS Pescados Rubén
Cajasur Córdoba-Soto del Real
Atlético de Madrid-Viaxes Amarelle
Roldán-FSF Móstoles
Ciudad de Alcorcón-Universidad de Alicante
Cidade das Burgas-Valladolid
FSF Rioja-Centelles
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
