Os Mercados de Verán traen a Tonhito de Poi a Mondoñedo o xoves

Este Xoves con Xeito, nos Mercados de Verán de Mondoñedo, contamos coa destacada presencia de Tonhito de Poi

A programación que os Mercados de Verán están traendo a Mondoñedo nesta súa primeira edición está a reunir a algúns dos mellores músicos e artistas de Galicia nos dous espazos onde se celebra, as prazas da Catedral e do Concello. Este xoves, 26 de xullo, a este elenco de luxo vanse unir dous grandes artistas.

Un deles, menos coñecido polo público en xeral pero dunha excepcional calidade, é o mimo Sergio Otero, que visita os Xoves con Xeito mindonienses como Ksiloco Mimo Clown para traer o seu espectáculo “Conversaciones a través del silencio”. A actuación comenzará ás 8 da tarde, na Praza do Concello.

E a partir das 10 da noite, no mesmo lugar, será o coñecidísimo e polifacético músico e showman Tonhito de Poi o que se encargará de poñer son ó solpor. A súa proposta en solitario, na que une música e historias faladas, a ben seguro ha sorprender ós asistentes ó Mercado.

Ademáis de todo esto, e coma sempre, o Xoves con Xeito dos Mercados de Verán ofrecen, neste fermoso espacio de Mondoñedo e a partir das 7 da tarde, a mellor artesanía, o traballo de novos deseñadores e postos de comida onde degustar algo diferente ó fin da xornada, de regreso da praia ou do traballo.

A seguinte cita dos Mercados de Verán terá lugar o domingo 29 de xullo; no Día do Calabacín, os Domingos Frescos ofrecerán degustacións e show-cookings de pratos preparados con este producto, obradoiros para os máis pequenos, animación de rúa e, como ven sendo habitual, a programación de Radio Rabiza, a radio dos Mercados.