Os traballadores da Deputación mobilízanse por segunda vez en tres días contra os últimos recortes do Goberno Central
– Os 4 sindicatos presentes na xunta de Persoal e o Comité de Empresa do organismo provincial (CC.OO., CIG, CSI-F e UGT) convocaron unha nova protesta diante de San Marcos polas “inxustificables” medidas tomadas por Rajoy, “que non resolven a crise”
– Fixaron outras dúas concentracións para o día 19, cando haberá ademais unha manifestación pola cidade lucense, e para o 26
Os traballadores da Deputación mobilizáronse de novo este venres, por segunda vez en tres días, contra os últimos recortes adoptados polo Goberno Central. Comisións Obreiras, CIG, CSI-F e UGT, as 4 organizacións sindicais presentes nos órganos de representación dos empregados no organismo provincial (Xunta de Persoal e Comité de Empresa) convocaron esta nova protesta diante do Pazo de San Marcos por unhas medidas que cualifican de “inxustificables” e “populistas”, que “non resolven a crise”, senón ó contrario, “reducen aínda máis o consumo interno e provocan máis perda de postos de traballo, máis paro”.
Os recortes anunciados por Rajoy o mércores no Congreso dos Deputados supoñen “o roubo de dereitos sociais conseguidos despois de moitos esforzos, utilizando escusas que ninguén se cre”, subliñan as formacións sindicais, que critican “a criminalización que se está a facer dos empregados públicos, culpándonos de todos os males deste país, tapando así os seus fracasos”.
Os sindicatos fixaron outras dúas concentracións ante San Marcos en repulsa polos axustes, unha o 19 de xullo, cando tamén haberá unha manifestación pola cidade lucense, e outra o día 26. En ámbolos dous casos, ás 11:30 horas.
Proposta no Pleno
Por outra banda, e tal e como avanzou onte a Vicepresidenta Segunda da Deputación, Lara Méndez, o propio Goberno provincial, a instancias do Grupo Socialista, levará ó Pleno unha proposta en contra dos novos recortes que vén de aprobar o Executivo Central e que perxudican “gravemente ós traballadores, pensionistas e parados”. Lara Méndez destacou que “non podemos quedarnos quedos ante unhas medidas coas que Rajoy, ó igual que Feijóo e os seus compañeiros de partido, castigan pola crise ós desempregados, ós maiores, e en xeral a todos os cidadáns de a pé, mentres premian ós defraudadores cunha Amnistía Fiscal e non piden nin un mínimo esforzo ás grandes fortunas”.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
