Sete organizacións empresariais e sociais da provincia impartirán a formación ós 340 beneficiarios do Pacto polo Emprego
– O Presidente asinou hoxe os convenios coas entidades: Unións Agrarias-UPA; APEC; Fundación Laboral da Construción; Asociación de Mulleres Empresarias de Lugo; Fundación Lucus Augusti; e as delegacións luguesas de Cruz Vermella e COGAMI
– Besteiro destacou a aposta da Deputación “pola formación nas profesións con máis futuro como fórmula para combatelo paro, fronte ó recorte dun 40% aplicado polo Goberno central no orzamento destinado a cursos para desempregados en Galicia”
– A lista definitiva de admitidos no Pacto publicarase esta semana na web www.deputacionlugo.org e as accións formativas arrancarán o día 30
O Presidente da Deputación de Lugo, José Ramón Gómez Besteiro, asinou este luns en San Marcos senllos convenios coas 7 organizacións empresariais e sociais da provincia que se ocuparán de impartir a formación ós 340 beneficiarios da segunda fase do Pacto Provincial polo Emprego. Trátase de Unións Agrarias-UPA; a Asociación Provincial de Empresarios da Construción (APEC); a Fundación Laboral da Construción; a Asociación de Mulleres Empresarias de Lugo (AELU); a Fundación Lucus Augusti; e as delegacións luguesas de Cruz Vermella e da Confederación Galega de Persoas con Discapacitados (COGAMI).
Gómez Besteiro subliñou que, coa segunda fase do Pacto polo Emprego, cofinanciado ó 80% polos fondos FEDER da Unión Europea, “consolidamos a nosa aposta pola formación nas profesións con máis futuro –aquelas relacionadas cos servizos sociais, o medio ambiente e as novas tecnoloxías- como unha das mellores fórmulas para loitar contra o desemprego, sobre todo cando vemos que, segundo datos da EPA, Galicia conta na actualidade co mesmo número de ocupados que hai 10 anos, pouco máis de 1 millón de persoas, é dicir que volvemos a cifras do 2002”. En Lugo, continuou, “temos 26.737 veciños nas listas do paro, polo que temos que abrirlles novas oportunidades laborais, e non facer como outras administracións –en referencia ó Goberno Central- que reduciron este ano en máis dun 40% o orzamento destinado a cursos para parados en Galicia”.
O mandatario provincial avanzou que o listado definitivo de admitidos no Pacto polo Emprego publicarase ó longo desta semana na web da Deputación www.deputacionlugo.org e que as accións formativas arrancarán o vindeiro luns, día 30 de xullo, e prolongaranse ata finais de novembro.
Na sinatura dos convenios estiveron, xunto ó Presidente, o secretario adxunto de Organización de Unións Agrarias-UPA, Mariano López Nieves; o presidente da Asociación Provincial de Empresarios da Construción (APEC) e da Fundación Lucus Augusti, Hipólito Trinidad Losada; o xerente da Fundación Laboral da Construción, Fernando García Novo; a presidenta da Asociación de Mulleres Empresarias de Lugo (AELU), Beatriz Varela Regueira; o presidente do comité provincial de Lugo de Cruz Vermella, Luis Abelleira Mayor; e o Presidente da Confederación Galega de Persoas con Discapacidade (COGAMI), Anxo Queiruga Vila.
Estas sete organizacións ocuparanse de impartir de xeito directo a formación teórica, e logo farán de mediadores para que os alumnos poñan en práctica estes coñecementos en empresas e asociacións da provincia estreitamente vinculadas coas áreas nas que recibiron formación. Deste xeito, garántese unha formación de calidade e o mellor adaptada posible ás demandas do mercado laboral, pois impártese a través de organizacións do sector.
Que entidade se ocupará de cada curso
Os cursos que impartirá cada entidade son os seguintes:
– Cruz Vermella: Coidador de Discapacitados Físicos e Psíquicos; e Auxiliar de Enfermería en Xeriatría.
– COGAMI: Atención Especializada para Enfermos de Alzheimer.
– Unións Agrarias-UPA: Actividade Auxiliares en Viveiros, Xardíns e Centros de Xardinería; e Produtor de Hortalizas Ecolóxicas.
– Fundación Lucus Augusti: Dinamización de Actividades de Tempo Libre Educativo Infantil e Xuvenil; taller de emprendemento; e Técnico en Comercio Exterior.
– Fundación Laboral da Construción: Edificación Sostible.
– APEC: Instalador de Impermeabilización; e Mantedor, Reparador de Calefacción e Auga Quente Sanitaria.
– Asociación de Mulleres Empresarias de Lugo: Xestión Comercial das Vendas.
En canto ó curso de Servidores e Páxinas Web, a Deputación impartirao a través da Fundación TIC, aproveitando desde xeito recursos propios.
A duración da parte teórica e da práctica depende de cada acción formativa, podendo consultarse tódolos detalles de cada un deles na páxina web da Deputación www.deputacionlugo.org
Axuda económica
Os participantes recibirán durante todo o período formativo, que concluirá en novembro, unha axuda económica que non pode superar o 75% do IPREM (Índice Público de Renda de Efectos Múltiples) para este ano 2012, é dicir, aproximadamente 400 euros. Esta axuda é compatible coa prestación por desemprego ou con outras axudas públicas con esta mesma finalidade, sempre e cando o conxunto das rendas percibidas non supere o 75% do IPREM, isto é 400 euros.
Máis inserción laboral
Coa segunda fase do Pacto Provincial polo Emprego, a Deputación dá continuidade ós proxectos que, a pesar de non ter as competencias directas en emprego, leva impulsado para dinamizar o mercado laboral, tales como a propia primeira parte do Pacto, na que participaron 575 persoas, das que máis de 100 seguiron traballando; o Plan Lugo Emprega, que deu traballo a 711 persoas, ou as becas medioambientais Lug02, que acadaron unha inserción laboral do 50%. O organismo lugués poñerá tamén en marcha o Plan Integral Agropecuario e Forestal, que formará a 900 persoas para potencialo emprendemento nestes sectores vitais para o tecido socioeconómico de Lugo.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
