Un total de 8 equipos da Mariña participarán no II Torneo de fútbol 11 que empeza mañá en San Román
-A competición inclúe 12 partidos na primeira fase de clafisicación e 9 en cuartos, semifinais e final
Cervo, 6 de xullo de 2012-O II Torneo de fútbol 11 que organiza a S.D. San Román coa colaboración do Concello de Cervo contará coa participación de 8 equipos da Mariña, en concreto o Pub Jocker, O Almacén, Parrillada de Jandro e Mesón da Ría, que conformarán o grupo A; e Bar A Curva, Multiusos Lorenzana, Pescados Piteiro e A.T. San Antonio que formarán parte do grupo B.
A distribución dos grupos, o calendario de enfrontamentos e os nomes dos rivais de cada partido decidíronse nun sorteo realizado onte. En total o torneo inclúe 21 encontros, 12 deles previstos para o sábado, día no que arrinca a competición e no que se disputarán partidos dende as 9:00 ata as 21:00 horas. Un número elevado de encontros nunha xornada intensa, debido a que todos os equipos se enfrontarán aos outros tres rivais do mesmo grupo. Das puntuacións obtidas nesa xornada sairán os clasificados para os cuartos de final.
En total pasarán á seguinte fase os tres primeiros calsficados de cada grupo, que se enfrontarán o domingo a partir das 10:00 e ata as 16:00 horas. Os dous partidos de semifinais están previstos para as 17:00 e as 18:00 horas. O encontro decisivo, do que sairá o campión do torneo será ás 20:00 horas.
Unha competición que repartirá un total de 900 euros en premios. Os tres primeiros clasificados levarán un trofeo, mentres o gañador recibirá ademais 600 euros en metálico e o segundo clasificado 300 euros. Tamén haberá trofeos para o máximo goleador do torneo e ao porteiro do equipo menos goleado.
“O campo do San Román convértese esta fin de semana nunha fervedoira de actividade deportiva, cunhas xornadas maratonianas que empezan pola mañá cedo e rematan ao final da tarde” asegura o edil de Deportes, José Ramñen Soto “Oito equipos chegados de distintos puntos da Mariña pasarán unha fin de semana de intenso xogo futbolístico que ben seguro será todo un éxito” remata o edil.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
