Esta campaña acadou xa preto de 3.500 visitantes nas 7 localidades galegas que percorreu até agora
ECONOMÍA E INDUSTRIA ACHEGA A CARAVANA DE GALICIA CALIDADE Á MARIÑA PARA PROMOCIONAR O CONSUMO DE PRODUTOS GALEGOS
A iniciativa da Consellería que dirixe Javier Guerra achegará a calidade dos produtos galegos a 35.000 persoas cunha sede móbil que percorrerá 35 localidades, ata rematar o verán
Mañá comeza o percorrido pola Comarca da Mariña Lucense, coa visita aos concellos do Ribadeo, Foz, Burela e Viveiro
A campaña inclúe obradoiros de cociña e actividades para os cativos
Lugo, 28 de agosto de 2012.- A sede móbil da campaña posta en marcha pola Consellería de Economía e Industria para promocionar o consumo de produtos galegos coa marca Galicia Calidade comezará mañá o percorrido pola Comarca da Mariña Lucense.
Até agora esta iniciativa ten permitido ofrecer a preto de 3.500 persoas, en sete localidades galegas, información de primeira man sobre a marca Galicia Calidade, así como a súa aposta pola innovación e a internacionalización das empresas da Comunidade e os produtos e servizos asociados. Ademais, esta previsto que ao longo de toda a campaña se poida achegar a calidade dos produtos galegos a 35.000 persoas, cunha sede móbil que percorrerá 35 localidades, ata o 29 de setembro.
A marca Galicia Calidade conta xa con máis de 150 produtos e servizos amparados dun total de 44 empresas asociadas, que deste xeito adquiren un importante valor engadido, recoñecido como sinónimo de confianza, prestixio e calidade. De feito, os programas de auditorías e ensaios de Galicia Calidade garanten que os produtos e servizos amparados superaron os controis esixidos, para o que é preciso que conten coas materias primas de máis alta calidade, óptimas producións e excelentes servizos.
Esta unidade móbil ten visitado xa os concellos de O Carballiño, Verín, Xinzo de Limia, Chantada, Monforte de Lemos e Sarria. Mentres que hoxe a caravana atópase no Barco de Valdeorras e mañá comezará a xira pola Mariña no concello de Ribadeo, para achegarse despois aos municipios de Foz (30 de agosto), Burela (31 de agosto) e Viveiro (1 de setembro).
A Campaña conta con distintas iniciativas como obradoiros de cociña con produtos de Galicia Calidade, que se poden seguir tanto desde o interior do vehículo, equipado cunha cociña, como a través das pantallas habilitadas no exterior, para despois ofrecer unha degustación dos produtos cociñados entre o público e máis recetarios. Ademais, esta campaña tamén inclúe reparto de obsequios, folletos promocionais e sorteos, e un castelo inchable para os cativos, todo co obxectivo de dar a coñecer a marca Galicia Calidade.
—————
Mércores 29, unha xornada de divulgación dos produtos galegos
Lémbrovos que cada demostración dura unha hora e que podedes elixir de horario as 12.30 h, as 17.30 h e as 19.00 h.
Teléfono para se apuntar: 609 050 176 ou no enderezo de correo cultura@ribadeo.org
ECONOMÍA E INDUSTRIA PROMOCIONA A MARCA GALICIA CALIDADE E O CONSUMO DE PRODUTOS GALEGOS CUNHA CAMPAÑA QUE PERCORRERÁ 35 LOCALIDADES
Ponse en marcha ata o 29 de setembro unha sede móbil que ofrecerá no centro das vilas información sobre as empresas asociadas a este selo de garantía
O obxectivo é que esta iniciativa chegue a 35.000 persoas ata finais de verán
ECONOMÍA E INDUSTRIA PROMOCIONA A MARCA GALICIA CALIDADE E O CONSUMO DE PRODUTOS GALEGOS CUNHA CAMPAÑA QUE PERCORRERÁ 35 LOCALIDADES
A Consellería de Economía e Industria, a través da entidade Galicia Calidade, pon en marcha unha campaña de promoción que percorrerá ata o vindeiro 29 de setembro un total de 35 localidades galegas das catro provincias co obxectivo de achegar de primeira man á cidadanía este selo de garantía e promover tamén o consumo de produtos galegos.
Ao longo desta iniciativa, que comeza hoxe na Praza Maior do Carballiño e ten por obxectivo chegar a 35.000 persoas, unha sede móbil situarase cada día no centro dunha localidade galega, ofrecendo información de primeira man sobre a marca Galicia Calidade, a súa aposta pola innovación e a internacionalización das empresas galegas e os produtos e servizos asociados.
Ademais, cada día realizaranse demostracións e obradoiros de cociña con produtos de Galicia Calidade, ás 12:30, ás 17 e ás 19 horas, que se poderán seguir tanto desde o interior do vehículo, equipado cunha cociña, como a través das pantallas habilitadas no exterior. Os produtos cociñados repartiranse entre o público, ao que tamén se lle ofrecerán recetarios.
Tamén haberá reparto de obsequios, folletos promocionais e sorteos, e un castelo inchable para os máis pequenos, todo co obxectivo de dar a coñecer a marca Galicia Calidade, que conta xa con máis de 150 produtos e servizos amparados dun total de 44 empresas asociadas, que contan así cun valor engadido, recoñecido polos consumidores como sinónimo de confianza, prestixio e calidade.
Os programas de auditorías e ensaios de Galicia Calidade garanten que os produtos e servizos amparados superaron os controis esixidos, para o que é preciso que conten coas materias primas de mais alta calidade, óptimas producións e excelentes servizos.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
