Logo de moito tempo de pasividade e falta de interese os populares se felicitan porque o PSOE se sume á petición da Xunta que reclama unha renogociación deste acordo pesqueiro
O GRUPO POPULAR DÁ A BENVIDA A MANUEL VÁZQUEZ Á PREOCUPACIÓN POLO ACORDO CON MAURITANIA E RECLAMA A IMPLICACIÓN DOS GOBERNOS “AMIGOS DO PSOE” DE ANDALUCÍA E CANARIAS
Gran parte das cuestións fundamentais do pre-acordo pesqueiro con Mauritania foron negociadas baixo mandato do anterior Goberno socialista no Estado e pese a iso, Manuel Vázquez permaneceu mudo.
Santiago 2 de agosto de 2012.- O portavoz do Mar do Grupo Parlametnario Popular, Jose Manuel Balseiro, deu á benvida ao secretario xeral dos socialistas galegos, Manuel Vázquez, unha vez que este dirixente amosou “ao fin” a súa preocupación polo futuro da frota cefalopodeira que traballaba ao amparo do acordo entre a Unión Europea e Mauritania.
Desde o PP felicítanse porque o PSOE, despois de anos de pasividade e falta de interese, veña a sumarse á petición da Xunta que reclama unha renogación deste pre-acoro pesqueiro, ao entender que os termos establecidos na negociación entre a Unión Europea e Mauritania son contrarios aos intereses do sector pesqueiro galego e español.
Balseiro lembra que “fronte á tardía reaccion dos socialistas” o Goberno galego, a través da Consellería do Medio Rural e do Mar, vén traballando a favor dos buques galegos desde o primeiro momento: Tanto cando se produciron os primeiros problemas cos buques galegos, ao amparo do anterior arcordo pesqueiro, como durante a negociación do novo protocolo.
NEGOCIADO POLO PSOE
O voceiro do Mar dos populares galegos tamén quixo deixar claro que as cuestións fundamentais contidas no preacordo pesqueiro que se pretende aprobar foron negociadas durante o mandato do anterior Goberno do Estado e lamenta que, pese ao negativo do seu contido, o propio Manuel Vázquez, e ningúen do PSdeG dixera nada na súa contra, “de feito permaneceron mudos”.
Balseiro revela que das sete rondas de negociación que se mantiveron con Mauritania, cinco delas leváronse a cabo co Goberno socialista de Zapatero e Rubalcaba, “dándolle o visto e bo ás cláusulas tan permiciosas para a flota española”.
IMPLICACIÓN DE ANDALUCÍA E CANARIAS
Os populares sosteñen que si de verdade o PSOE quere ser útil na posibilidade de acadar un novo acordo pesqueiro máis favorable aos intereses da nosa flota, debería deixarse de declaracións e poñerse a traballar para convencer aos seus Gobernos amigos de Andalucía e Canarias para que se impliquen na procura dunha solución. De feito Balseiro explicou que, 22 dos 24 buques cefalopodeiros acollidos ao acordo pesqueiro con Mauritania teñen porto base nesas comunidades.
O voceiro do Mar do Grupo Parlamentario Popular de Galicia defendeu que a Xunta está a facer un esforzo importante na defensa dos intereses dos nosos mariñeiros, pero tamén sería bo involucrar a Goebernos doutras comunidades nos que o PSOE ten moita responsabilidade.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
