ESPECTÁCULO DE ILUSIÓN E HUMOR PARA A POSTA DE GALA LARANXA
O Burela FS Pescados Rubén, da Primeira División Feminina e Masculina, presentou o proxecto 2012-13 onte, no undécimo aniversario da entidade, envolto polo ilusionismo e humor do espectáculo conducido polo Mago Senín. O público congregado na casa da cultura da localidade tivo a oportunidade de coñecer os cadros feminino e masculino que pelexarán na máxima categoría, nun acto que abriron a proxección audiovisual laranxa Empezamos? e o spot da nova campaña de socios/as da entidade, Deixa que o espírito laranxa entre en ti!
O cadro que dirixirá un ano máis Javier Pardeiro presentou como novidade as incorporacións da porteira coruñesa Patricia Otero e de Daniela Domingues, ambas ex do Cajasur. Tamén se presentou ao público a volta de Lara Balseiro á disciplina laranxa.
Pola escuadra masculina, centraron a atención dos afeccionados/as que se deron cita no auditorio municipal as novas fichaxes de Hugo, Mimi e Nacho Pedraza e o regreso de Edu e Dani Martín. Outra das caras novas do Burela FS nesta etapa, Enrique Cánovas, perdeu o acto, ao estar inmerso no Mundial Universitario de Braga, con España.
Neste primeiro acto de 2012-13, os membros de ambos os conxuntos presentaron, entre diferentes números de maxia, a indumentaria de Joma que lucirá o Burela FS Pescados Rubén no novo exercicio, tanto as equipacións oficiais de xogo coma a roupa de adestramento e de paseo.
Os capitáns Juanma e Dolo e o presidente do club, José Ramón González Casas, puxeron o broche á presentación animando os alí presentes para que Vista Alegre e a súa afección sigan sendo o sinal de identidade do espírito laranxa nesta tempada histórica para o deporte mariñán. Nunha noite de ilusión, o Mariskal invocou “a maxia laranxa para que os dous equipos acaden unha boa tempada con traballo, esforzo e ganas”. A este propósito tamén se uniu Dolo, que cualificou o apoio de Vista Alegre de “verdadeiro luxo” e prometeu “dedicación total e absoluta para que o Burela FS poida saborear algún título este ano”
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
