O BNG DE LOURENZÁ CENSURA AS TÁCTICAS CLIENTELARES E OS TRATOS DE FAVOR DO GOBERNO MUNICIPAL
Case todas as contratacións de persoal de Lourenzá para o servizo de prevención de incendios foron copadas por amigos ou familiares do equipo de goberno
O Concello de Lourenzá desoe a demanda da cidadanía e repite case os mesmos cursos de formación impartidos sempre polas mesmas persoas e mesmo alumnado
Lourenzá, 21 de agosto de 2012. O BNG de Lourenzá considera interesadas as últimas actuacións nas que o Concello interveu en materia de contratación contra incendios, segundo opinan os nacionalistas laurentinos é sospeitoso que a xente contratada de Lourenzá para o servizo de extinción nos distintos programas da Consellería do Medio Rural e do Mar sexan todos ou na súa meirande parte xente ligada ao PP, comprendendo dende persoas que foron nas listas do PP nos últimos comicios municipais ate familiares dalgún membro do equipo de goberno ou dalgún traballador de confianza do Concello. Neste senso o concelleiro do BNG César Docampo dixo: “É demasiada casualidade que de tódalas persoas de Lourenzá que se presentaron a estes exames, de Tragsa e Seaga, que son as empresas públicas encargadas de suministrar operarios para a loita contra incendios nos distintos programas da Xunta, todas as que ao final foron contratas cumpren o mesmo patrón, o que nos fai sospeitar que alguén intercedeu para que isto fose así”.
Segundo opinan dende o BNG de Lourenzá estes feitos poñen negro sobre branco a teórica eficiencia de xestión do PP e demostran unha vez máis o xeito que o equipo de goberno do Concello ten de facer as cousas, usando tácticas clientelares e interesadas para o ben particular duns poucos “amigos”, xeitos de proceder estes máis ben dun sistema rancio e caciquil que dunha democracia moderna, neste senso o portavoz nacionalista no Concello César Docampo argumentou: “estes feitos e estes xeitos de proceder cada vez escurecen e deslexitiman máis a confianza da xente nas institucións públicas pois continuamente son usadas con fins partidistas, electoralistas ou privados”. Dende o BNG de Lourenzá esixen ao goberno municipal que en sucesivas contratacións semellantes troque o seu xeito de actuar permitindo que os procesos de selección abertos sexan máis limpos e non vaian condicionados de antemán, que goberne para todos e non favoreza intencionadamente a xente máis próxima a eles.
O BNG de Lourenzá presentou tamén unha moción nas oficinas municipais na que pide ao goberno municipal que o servizo de colocación e emprego do Concello busque novas alternativas en canto ao que se refire a cursos de formación, pois nos últimos tempos a formación ofertada xira case que en exclusiva en torno ao sector da madeira, chegando incluso nalgún caso a repetirse o mesmo curso en pouco tempo, o concelleiro portavoz do BNG de Lourenzá expresou: “Somos coñecedores das xestións que o Concello fixo fronte á Xunta de Galiza para solicitar cursos de formación ao amparo da Orde da Consellería de Traballo e Benestar do 30 de Decembro de 2011(DOG. Núm 6 de 10/01/2012) pola que se establecen as bases reguladoras e se da paso á convocatoria pública para a programación de accións formativas no exercicio 2012. En vista de que estas xestións non deron os froitos desexados e o Concello non dispuxo de ningunha outra alternativa consideramos que a oferta formativa que o Concello está a poñer a disposición dos veciños é escasa e non atende as demandas reais da veciñanza en moitos dos casos”. O descontento veciñal chamou á atención do BNG que pensa que ainda que é certo que estes cursos están sendo impartidos a través da Fundación San Salvador, da cal o Concello é parte importante, o verdadeiro impulsor desta oferta formativa é o consistorio laurentino e critican que non se poña o mesmo empeño en formacións de outros gremios priorizando as que se imparten a través da fundación San Salvador, fundación por outro lado codirixida por un familiar directo do alcalde de Lourenzá.
Todos estes feitos fan desconfiar ao BNG de Lourenzá que non entende a gran aposta que o Concello fai pola formación no sector madeireiro, mentres posibilita coas súas accións a perda de postos de traballo do sector nas factorías laurentinas. Consideran os nacionalistas que do mesmo xeito que sucedeu coas contratacións dos operativos contra incendios, todos estes feitos obedecen a outros fins pois sinalan que se está a falar de orzamentos moi importantes, 63.855,21€ concretamente para o curso que comezou en agosto de “ Proxectista de Carpintería e Moble”, cursos que curiosamente como se pode comprobar sempre son impartidos polas mesmas persoas, por outro lado, persoas politicamente vinculadas ao equipo de goberno do PP de Lourenzá.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
