ENCONTRO DE COLECTIVOS LOCAIS DE ALFOZ E O VALADOURO
No serán do 31 de xullo tivo lugar no Centro Social de Alfoz un encontro de colectivos locais dos concellos do Valadouro e Alfoz organizado polo BNG local, foi convidado a esta xuntanza o responsábel comarcal do BNG e vicepresidente da Deputación de Lugo, Antonio Veiga.
Na comarca natural formada polos dous concellos, o eido asociativo é moi dinámico e o número de colectivos non deixa de medrar de ano en ano, así como os eventos, actividades e iniciativas promovidas e organizadas polas devanditas asociacións, este foi o principal motivo polo que o BNG local convocou o devandito encontro.
Antonio Veiga comezou explicando as vías de colaboración abertas dende a Deputación, nomeadamente no ámbito cultural e deportivo, sinalando con especial atención as axudas pra a adaptación de espazos ás necesidades das persoas con discapacidades. Lembrou o vicepresidente, que malia o momento que estamos a vivir, a Deputación trata de manter acesa a lapa cultural, xa que moitas xuntas directivas amosaron a súa preocupación ante os recortes efectuados por outras institucións, suliñando á vez que o dinamismo social da bisbarra do Valadouro ficaría en situación de risco sen o respaldo institucional así como o futuro de moitos eventos.
Os diferentes representantes salientaron que era a primeira vez que tiña lugar un encontro no que estaban presentes todos os colectivos do val, o que estaba a servir tamén pra que puidesen coñecérense e partillar ideas, suliñando que é fundamental fomentar as sinerxias entre o tecido societario da comarca natural do río Ouro, tanto pra colaboraren como pra reforzar a continuidade de eventos. Cómpre salientar que a meirande parte destas asociacións son de ámbito intermunicipal, pra poder así abranguer o territorio natural do Valadouro, é dicir, os dous concellos.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
