O Día do Turista e as Veladas de teatro encheron Cervo de festa e entretemento na fin de semana
-Cervenses e visitantes gozaron de numerosas actividades lúdicas, culturais e deportivas pensadas para grande variedade de público
Cervo, 6 de agosto de 2012-Cervo viviu esta pasada fin de semana uns días cargados de actividades pensadas para diferentes públicos, todas elas dirixidas a dinamizar a vida social, cultural e deportiva do municipio. En concreto, dous programas diferentes encheron de contido estes días. Tratouse das XII Veladas de teatro no Souto e V Express+arte en Cervo, e o XXXI Día do Turista en San Ciprián.
En ambos casos, segundo o alcalde, Alfonso Villares, “o resultado foi moi positivo e hai que agradecerllo a varias entidades e asociacións, como son Teatro O Bordelo de Cervo no caso das Veladas de teatro, e o CIT de San Ciprián así como ACIA, ou o Club Náutico Amigos do Mar no Día do Turista”. Todas elas, segundo Villares, “forman parte do amplo tecido asociativo que existe no municipio e que fan que Cervo permaneza activo, mantendo entretidos aos veciños e veciñas e atraendo a visitantes e turistas”.
As dúas citas son eventos consolidados, cunha longa traxectoria ás súas costas, e que “precisamente por formar parte da tradición lúdica e cultural do municipio seguen convocando a numeroso público”.
No caso das Veladas de teatro, esta era a edición número 12, mentres Express+arte, que incluía actuacións de artistas, chegaba á quinta edición. O programa foi máis alá da fin de semana, e incluíu catro días intensos, dende o xoves ata o domingo, de teatro e espectáculo “nun lugar emblemático da localidade de Cervo, como é a praza do Souto” asegura Villares. O aforo, de máis de 300 persoas baixo unha carpa instalada polo Concello, completouse en todas as xornadas, demostrando “por unha banda que en Cervo existe un público interesado na cultura, e por outra banda, que o teatro afeccionado e as persoas con talento teñen un papel fundamental na nosa sociedade”.
O Día do Turista celebraba este ano a súa edición número 31, incluíndo novidades como a Travesía de Natación Porto de San Ciprián, e mantendo citas xa habituais como o Antroido de verán ou tan tradicionais como o concurso de castelos de area, que se celebra dende o primeiro ano do Día do Turista. Ademais, houbo un mercado de artigos de segunda man, pasarrúas co grupo “Os Farallóns”, taller de vimbio, teatro infantil e degustación de bolos preñados. Un conxunto de actividades “coas que San Ciprián se mantivo vivo e cargado de eventos durante todo o día, conseguindo sacar a veciñanza e turistas ás rúas” remata o rexedor.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
