“ CUENTOS Y RELATOS DE PRIMI”
Na presentación deste libro de Primi Nécega, que tivo lugar o día 18 de agosto de 2012 no Salón de Actos da Casa da Cultura Poeta Manuel María.
Intervención do Cronista Oficial de Foz,
Suso Fernández.
A aparición dun novo libro é sempre un feito gozoso, e mais cando as súas páxinas levan a mensaxe do amor á terra da nacenza, ás súas xentes, ós devanceiros; terra na que temos as orixes, onde mamamos da teta materna, o mais fermoso vínculo coa vida; sobre a que demos os primeiros pasos, baixo a proteción amorosa e o exemplo paterno/maternal; terra na que transcurriron os días da candorosa infancia e da adolescencia, iniciando a aprendizaxe da loita da vida que, coas súas luces a as súas sombras, farán que vivamos días de ledicia e de gozo e tamén, demasiadas veces, de fondas amarguras e tristezas.
A poetisa chilena Gabriela Mistral dixo que “a verdadeira patria é a infancia; a patria é a paisaxe, o ceo, o chan e a atmósfera da nenez”.
Un deses libros, así de entrañable e nostálxico, é o que se presenta á consideración de vostedes. Fórmano un feixe de contos e relatos que son as vivencias dunha focega, ben coñecida e benquerida, pertencente a saga de vella raigame da vila, dotados os seus membros de manifesta sensibilidade artística na que a música e a poesía, expresión ámbalas dúas da mais delicada ternura, estiveron sempre presentes; pero tamén, dotada a autora da fortaleza precisa para encarar a vida, ratifícando así a que é característica antropolóxica da nosa raza: o matriarcado, unha constante ó longo da historia de Galicia, onde floreceron incontables heroínas, recoñecidas unhas, anónimas as mais. O mais fondo do ser desta terra, aparece baixo o tinte feminino. Tamén moito do mellor que leva producido o xenio indíxena débese ás mulleres, que moitas veces son a alma e o corpo do fogar; mulleres insignificantes ó exterior, pero moralmente grandes que levan a dirección da familia e a miúdo tamén a responsabilidade do seu sostemento. Só un instinto animal, de feras en celo, ou un soplo anxélico insuflado ó nacer, poden explicar un temple tan heroico, de casi inhumana grandeza, que dixera Martínez Barbeito. Son a encarnación da muller forte da que fala o evanxeo…. E cando se aplican á cultura superan tamén moitas veces ós homes. Por eso nalgún momento histórico tense dito que “en Galicia os grandes homes…son mulleres”.
Eu sei que hoxe Primi vive unha xornada de especial emoción. Os avatares da vida levárona a vivir ó veciño Ribadeo. Alí é feliz, séntese querida e respetada. Pero nunca diu as costas ó seu Foz amado; endexamais esqueceo a querida Plazuela, escenario principal da súa nenez e adolescencia. Nen Fondós nenTupide ou A Fonte, santuario familiar, onde seu pai e seu irmán teceron o mais brillante historial dos asteleiros focegos do século XX; dalí saíron as mais esbeltas, as mais belidas embarcacións que nutriron flotas do Cantábrico. E agora mesmo atópase, con toda a carga emotiva, no epicentro daquel espacio urbano que garda tantas lembranzas: aquí, na histórica panera dos Martínez Otero, símbolo de tempos afastados, moi distintos ós de hoxendía, que por vontade do matrimonio benfeitor acolleo durante moitos anos distintos centros de ensinanza Na actualidade, convertida en ágora cultural, leva o nome inmorrente do poeta Manuel María; e aquí, na ilusión deste mito histórico, a poetisa absorve o néctar agredoce da nostalxia, da lembranza e da añoranza, rodeada polo agarimo dos seus de sempre, que nos sentimos felices de tela entre nós.
No noso libro “Cartafol de Foz”, decimos dela : “ muller de exquisita ternura e delicadeza é, sen dúbida, a mais sensible dos/das poetas da nómina do parnaso comarcal que canta ó amor, á familia, vibrando a súa lira con especial emoción ante os valores humanos mais profundos e duradeiros”.
SIN TI:
De ti me estoy acordando
En este día de amor.
En ti siempre voy pensando,
Añorándote, mi amor.
De mi vida ya se fueron
Paz, alegría e ilusión.
Y mis pasos van dejando
La huella de su dolor.
Y si viviera muchas vidas
¡siempre serías tú!.
Y si la muerte me llama
¡sé que me esperas tú!
E para remate permítanme unha alusión persoal: Juan María Nécega, o pai de Primi e mailo Xuez foron, toda a vida, grandes amigos. O Xuez era… meu pai. Moitas grazas.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
