A CALIDADE DAS AUGAS DAS PRAIAS DE BURELA FOI EXCELENTE DURANTE TODO O VERÁN, SEGUNDO PATRICIA LÓPEZ EIJO. A EDIL DE MEDIO AMBIENTE SUBLIÑA QUE OS DATOS SON PÚBLICOS E QUE CALQUERA PODE CONSULTALOS.
Burela, 28 de setembro de 2012. A calidade das augas das praias de Burela foi excelente durante todo o verán, segundo os datos que acaba de dar a coñecer a concelleira de Medio Ambiente. Patricia López Eijo asegura que os datos son públicos e que calquera pode consultalos e advirte que o equipo de goberno non permitirá que se diga nos medios de comunicación que a calidade das augas de baño das praias de Burela non é boa e que se puxo en risco a saúde dos veciños e veciñas, así como a dos visitantes que acudiron a Burela.
Patricia López Eijo explicou que “en canto ás analíticas realizadas na tempada 2012 nas praias de A Marosa, Ril e O Cantiño a calidade das súas augas foi excelente ou óptima. Os valores dos parámetros microbiolóxicos analizados acadaron os mellores resultados dende o 2010, e todo apunta a que manterán a cualificación sanitaria global de excelente neste 2012”. A concelleira de Medio Ambiente sinalou que “no caso do Portelo a calidade foi excelente ou óptima en case todas as analíticas realizadas nesta tempada, tan só en dúas ocasións a concentración acadada de Escherichia Coli rebaixou puntualmente a cualificación sanitaria. Non obstante, os valores dos parámetros microbiolóxicos analizados acadaron os mellores resultados tamén dende o 2010 e polo tanto, tamén apunta a que manterá a cualificación sanitaria global de excelente no 2012”.
Polo que se refire á praia de Penoural Eijo dixo que “se ben é certo que nos controis previos, que se realizan antes da tempada de baño, os valores dos parámetros microbiolóxicos analizados acadaron valores que aconsellaron non recomendar o baño. Na tempada de baño 2012, á vista dos resultados dos parámetros microbiolóxicos analizados, podemos dicir que esta praia resultou sempre apta para o baño, sendo excelente a súa cualificación na analítica realizada a principios de agosto, en plena época estival”.
A concelleira de Medio Ambiente indicou que “todo isto fainos pensar que as actuacións levadas a cabo no emisario submarino reverteron considerablemente na calidade da zona de baño deste areal, que no 2010 estivo practicamente pechado durante todo o verán, e chegou a provocar o peche da praia de Portelo en pleno agosto, época de maior afluencia as praias”. Patricia López Eijo subliña que “todos estes datos son públicos e calquera que queira pode velos, polo tanto o que non vamos permitir é que se diga nos medios de comunicación que a calidade das augas de baño das praias de Burela non é boa e que se puxo en risco a saúde dos veciños e veciñas, así como a dos visitantes que acudiron a Burela, porque non é certo”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
