APOIO UNÁNIME DA CORPORACIÓN DE RIBADEO AO ESCRITO DO COMITÉ DE EMPRESA DE ALCOA SOBRE O ESTABLECEMENTO DUNHA TARIFA ENERXÉTICA COMPETITIVA PARA O CENTRO DE SAN CIBRAO E EN DEFENSA DOS POSTOS DE TRABALLO. FERNADO SUÁREZ ADVIRTE QUE SI ESTA FIRMA DEIXA A ZONA “ESTAREMOS DIANTE DA SENTENCIA DE MORTE DA COMARCA DA MARIÑA”.
Ribadeo, 18 de setembro de 2012. Cos votos a favor de todas as formacións políticas agás o PP aprobóuse unha proposta da Alcaldía en relación coa posible supresión de servizos do tren de Feve na comarca da Mariña, e en particular en Ribadeo. Suárez Barcia dixo que si o globo sonda lanzado no seu día por Feve se leva adiante “cargaránse un dos eixos vertebredores desta comarca”. Na sesión plenaria de onte déuse o apoio unánime da Corporación Municipal ao escrito do comité de empresa de Alcoa sobre o establecemento dunha tarifa enerxética competitiva para o centro de traballo de San Cibrao e en defensa dos postos de traballo. Fernando Suárez advirte que si isto non é así e Alcoa opta por abandoar a zona “estaremos diante da setencia de morte da comarca da Mariña”.
O rexedor relatou que no pleno ordinario de onte aprobóuse tamén a conta xeral do exercizo de 2011, “na que segue habendo un remanente positivo, é dicir desde o goberno municipal gastamos un pouquiño menos do que ingresamos. Se iso puidera ser cuestionable noutros momentos, porque non executaríamos todo o presuposto, nos últimos anos sempre nos queda un pequeniño remanente para ir atendendo ás necesidades de pagos. E a realidade é notablemente diferente que hai cinco ou seis anos, pero para ben”. Suárez Barcia tamén se referiu á modificación das bases de contratación laboral temporal, “sobre todo no sentido de deixar a porta aberta a poder facer unhas lista de agarda do mesmo xeito que na universidade, nos hospitais, no Sergas ou en moitos concellos nos que as teñen establecido para aqueles postos de traballo con moita rotación, como poden ser a axuda a domicilio, onde ás veces necesitamos que unha baixa sexa cuberta de xeito inmediato. Para garantir a obxectividade queremos abrir uns prazos para que a xente presente as súas titulacións e méritos, que se poidan avaliar por parte dun tribunal técnico, e que poida ser público a través da páxina web ou dos rexistros públicos para que vexan en qué situación se atopan en cada momento”.
O alcalde de Ribadeo dixo que “foi moi importante aprobar esa proposta da Alcaldía en relación coa posible supresión de servizos do tren de Feve. Sabemos que o globo sonda de Feve, e que agora por mor das eleccións galegas está paralizado, moito nos tememos que volten á carga coa supresión de servizos, argumentando que non son rentables”. Fernando Suárez lembrou que “algunhas paradas na comarca se atopan en lugares terceiromundistas e a moita distancia dos núcleos de poboación, por iso moitas veces o tren non é atractivo para moita xente. Non é lóxico suprimir servizos nun momento de crise, no que os combustibles están tan caros e no que a xente precisa deste servizo para ir aos hospitales de Burela e de Jarrio, ou para ir facer trámites ás oficinas do Corpo Nacional da Policía en Viveiro. Si estas liñas desaparecen nos horarios de máxima afluencia de pasaxeiros estaremos cargando un dos eixos vertebradores da comarca en materia de comunicacións”.
Por unanimidade aprobóuse un escrito de respaldo a loita do comité de empresa de Alcoa “sobre este escuro futuro que parece que vai ter no caso de que o goberno do Estado non estableza unha tarifa enerxética competitiva para o centro de traballo de San Ciprián e en defensa dos postos de traballo. Sabemos que Alcoa non quere nin ser subvencionada nin que o Estado asuma parte do custe dos kilowatios que consume, pero como gran consumidor de enerxía precisa dunha tarifa competitiva, como noutros países de Europa, senón corremos o risco de que esta empresa se deslocalice para outro lugar, e si iso se chega a dar sería a sentencia de morte da comarca da Mariña”. Fernando Suárez engadiu que “desde Ribadeo quixemos aportar o noso grao de area polas familias de aquí que traballan en Alcoa, quixemos ter o compromiso institucional unánime de toda a Corporación para que o goberno do Estado dunha vez por todas resolva esta cuestión”.
No 2013 serán festivos locais en Ribadeo: o martes de antroido e o día de San Roque. A elección do martes de antroido realizóuse porque o vindeiro ano cae en domingo o día da patrona.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
