A Deputación renova o seu apoio a todas as confrarías e agrupacións de mariscadoras da provincia
– A Deputación de Lugo concede máis de 20.000 euros ós pescadores e mariscadoras da Mariña, sendo a única das deputacións galegas que xa renovou as axudas ó sector este ano
– Trátase de axudas de 3.000 euros, idénticas para todas as confrarías existentes na provincia, e que por 1ª vez tamén recibirá a confraría de Foz
-A entidade provincial destinou outros 30.000 euros á promoción dos produtos do mar, como a Festa do Berberecho de Foz, o Percebe de Celeiro, Produart de Burela ou a do Marisco na Mariña
O Presidente da Deputación, José Ramón Gómez Besteiro, renovou a sinatura dos convenios de colaboración cos que a entidade provincial destina un total de 21.000 euros para apoiar ás confrarías mariñanas e á Agrupación de Mariscadoras da comarca. Coa repetición destas subvencións, a de Lugo convértese na única das tres deputacións galegas con costa que xa renovou as axudas ó sector dos pescadores e mariscadoras que traballan na provincia. Trátase de subvencións de 3.000 euros a cada unha destas agrupacións de profesionais do sector, que están destinadas a impulsar economicamente o desenvolvemento das súas actividades.
Á reunión, na que tamén participou o Alcalde de Viveiro, Melchor Roel, acudiron todos os representantes do sector: Beatriz Sánchez, vicepresidenta da Agrupación de Mariscadoras de San Cosme de Barreiros; Celia Pacio, José Basilio Otero, María Faustina Solloso, Javier Sánchez, Juan Ramón Lestegás e Domingo Rey, patróns maiores das confrarías de Ribadeo, Burela, O Vicedo, San Cibrao, Foz e Celeiro, respectivamente. No transcurso da mesma, o máximo responsable provincial subliñou que”malia non ter competencias directas na materia, a Deputación quere apoiar a actividade de todas e cada unha das confrarías, exactamente coa mesma cantidade, sen facer diferenzas. Cunha boa xestión, o mar pode ser moito máis produtivo e, precisamente aumentar a produtividade nun momento económico como o actual, ten que contar co apoio de todos”. O sector está a pasar graves dificultades. Por exemplo, o número de mariscadores en Galicia reduciuse á metade na última década.
Foz, tamén presente
Se desde hai anos, tradicionalmente na Deputación, só a confraría de pescadores do Vicedo recibía a axuda económica do ente provincial, hoxe son todas, incluída a de Foz, as que contan co apoio da entidade. Neste senso, o máximo responsable provincial subliñou que “lonxe quedaron os tempos nos que cada un marchaba polo seu lado. Para mellorar as cousas temos que sumar esforzos, e por iso é fundamental que todos traballemos na mesma dirección. Se a toda a Mariña lle vai ben, á provincia iralle mellor”.
Máis promoción dos produtos do mar
O Presidente provincial destacou que o apoio ós traballadores do mar non estaría completo se este se limitara á colaboración coas confrarías: “Tan importante coma apoiarvos a vós, é contribuír á poñer en valor o froito do voso traballo”. Deste xeito, a través do Plan Estratéxico de Subvencións provincial, a entidade presidida por Gómez Besteiro ten destinado no que vai de ano 22.000 euros para a promoción e posta valor dos produtos do mar, como unha vía fundamental para revitalizar a economía luguesa.
“Fixemos o esforzo de manter esta colaboración económica, e mesmo de aumentala. Só en tres anos duplicamos a cantidade, malia que as circunstancias son complicadas para todos”. Algunhas das iniciativas ás que se dirixiron eses 22.000 euros foron: a Festa do Berberecho de Foz, a do Percebe de Celeiro, a Feira Produart de Burela ou a popular Festa de Marisco da Mariña que este verán tivo lugar en Foz.
Defensa dos postos de traballo de Alcoa
O Presidente da Deputación volveu insistir na necesidade de coñecer a tarifa eléctrica da que pende o futuro da factoría de Alcoa e súas empresas auxiliares. Para Gómez Besteiro “sumar esforzos é a forma de traballar da Deputación, ben como o caso de hoxe coas confrarías, ou ben con casos que tamén son de todos como a supervivencia de Alcoa”.
Para o Presidente da Deputación a situación é dramática, xa que de non desbloquearse canto antes a incerteza, a factoría luguesa deixará de recibir pedidos, o que preocupa enormemente á dirección xeral da fábrica. “Alcoa de San Cibrao está entre as tres factorías máis produtivas do mundo, é incomprensible que sigamos nesta situación”. Besteiro volveu facer un chamamento ó sentido común e confía en que o Goberno Central e autonómico resolvan “o que é, sen lugar a dúbidas, o maior problema que hoxe ten a provincia, xunto ó despoboamento e a crise do sector agrogandeiro”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
