ACADEMIA A Mariña IMPARTIRÁ NOS PRÓXIMOS MESES CURSOS OFICIAIS DE APLICADOR DE BIOCIDAS, BENESTAR ANIMAL, ATENCIÓN XERIÁTRICA, COIDADOS DE ENFERMERÍA NOS MALOS TRATOS INFANTÍS, LEGIONELA, GASES FLUORADOS E SEGURIDADE PRIVADA. A NOVA OFERTA DO CENTRO TAMÉN INCLÚE FORMACIÓN ESPECÍFICA EN DIVERSOS PROGRAMAS INFORMÁTICOS.
Burela, 5 de setembro de 2012. Academia A Mariña presenta a nova convocatoria de cursos para o outono/inverno de 2012. O centro impartirá ao longo dos próximos meses cursos oficiais de aplicador de biocidas, benestar animal, atención xeriátrica, coidados de enfermería nos malos tratos infantís, legionela, gases fluorados e seguridade privada.
Ademais Academia A Mariña oferta cursos específicos de informática: solidworks; adobe photoshop CS5, retoque e tratamento de imaxes; autocad 2013 en 2D e autocad 2013 en 3D.
Desde a dirección do centro aseguran que ?en Academia A Mariña, como centro de formación, temos a obrigación de achegar ás empresas e traballadores aqueles cursos que son demandados e esixidos desde calquera organismo, convencidos de que a formación é o eixo dun bo profesional, que a formación fainos competitivos, dá autonomía, rompe esquemas, abre horizontes e que debe acompañarnos ao longo de toda a vida. É un imperativo de mercado?.
As empresas e persoas que desexen obter máis información poden dirixirse á web: www.amarina.org. ?Desde ela podedes facer a inscrición. Ante calquera dúbida, facilitámosvos o teléfono de consulta e gratuíto, 900 10 13 62?, engaden desde a dirección de Academia A Mariña. E recordan que ?os traballadores asalariados poden facer estes cursos por Formación Continua, con custo CERO para a empresa?.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
