Os socialistas manipulan a realidade
Balseiro asegura que o PSOE minte sobre o seu soldo e reta aos socialistas a demostrar as cifras documentalmente
No PSOE teñen sinxelo comprobar que a cifra que dan é falsa xa que o soldo que percibe Balseiro é idéntico ao do representante socialista na Mesa da Cámara, un cargo que ata hai pouco ocupaba o ex secretario dos socialistas lucenses Ricardo Varela e que agora ostenta Francisco Cerviño
Lugo, 5 de setembro de 2012.- O deputado popular Jose Manuel Balseiro asegura que o PSOE está a ofrecer datos totalmente falsos e manipulados sobre o seu soldo coa única intención de enganar á cidadanía. Balseiro reta aos socialistas a que demostren documentalmente que cobra 120 mil euros anuais -como eles aseguran- e amósase convencido de que desde o PSOE non poderán facelo, “porque é unha gran mentira”.
“Non cobro 120 mil euros, nin como soldo líquido, nin como soldo bruto. E xa está ben que estean a mentir dun xeito tan descarado sobre algo que ademais é un soldo oficial. De feito a cifra real líquida e case a metade da que asegura o PSOE”-dixo Balseiro- “e non teño ningún problema en aportar a miña nómina, pero que eles tamén intenten demostrar o que din documentalmente, e se non o fan quedan como uns auténticos mentirosos, que é o que son neste caso”
O deputado popular aclara que os socialistas teñen sinxelo comprobar que a cifran que dan é falsa xa que as súas retribucións son idénticas ás do representante do PSOE na Mesa da Cámara, un cargo que ata hai pouco ocupaba o ex secretario dos socialistas lucenses (hoxe senador) Ricardo Varela e que agora ostenta Francisco Cerviño.
Jose Manuel Balseiro contrapón a transparencia do soldo dos deputados co comportamento do PSOE na Deputación que ficha a dedo asesores, que non foron elixidos polas urnas, e aos que paga soldos con diñeiro público para que actúen como comisarios políticos.
RENUNCIA A TODA PERCEPCIÓN ECONÓMICA
Por outra banda Balseiro sinala que non necesita ningunha lección do PSOE e lembra que desde o 2005, data na que foi elixido nas urnas como deputado no Parlamento de Galicia pola provincia de Lugo, ten renunciado voluntariamente a percibir ningún tipo de salario, nin pasou nin unha soa dieta na súa condición de tenente alcalde do Concello de Cervo. E contrapón esta actitude á de Lara Méndez, vicepresidenta provincial e concelleira en Cervo, que si recibe un soldo da Deputación e tamén pagos do Concello, por exemplo, por asistencias a plenos.
A mesma manipulación na que incorren os socialistas co soldo de Jose Manuel Balseiro, acontece no caso de Jose Manuel Barreiro, presidente dos populares lucenses e portavoz desta formación política no Senado
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
