O novo xefe do Servizo Provincial de Deportes de Lugo visita Cervo para coñecer a realidade deportiva do municipio
-Manolo Cadramón substitúe no posto a José Manuel Rozas
-O barreirense quixo achegarse ata Cervo para coñecer as necesidades do concello e ofrecer a súa colaboración na posta en marcha de iniciativas conxuntas
Cervo, 5 de setembro de 2012-O recentemente nomeado xefe do Servizo Provincial de Deportes de Lugo, Manuel Otero Méndez (coñecido como Manolo Cadramón no eido deportivo) estivo en Cervo para presentarse como novo responsable desta área e para analizar a realidade deportiva do municipio. Cadramón, barreirense e vinculado durante anos tanto á administración como ao mundo do fútbol sala, substitúe a José Manuel Rozas como responsable do departamento provincial de Deportes despois de que Rozas pasara a ocuparse da Xefatura Territorial da Consellería de Presidencia, Administracións Públicas e Xustiza.
Manolo Cadramón reuniuse en Cervo coa edil de Deportes, Yolanda Pedreira e cos representantes dos clubs deportivos do municipio. Este encontro foi un primeiro contacto entre o novo xefe de Deportes en Lugo, o Concello e as entidades cervenses co obxectivo de coñecer de primeira man a actividade deportiva do municipio e as súas necesidades. A información obtida será de utilidade para futuras colaboracións así como para a programación de actividades e iniciativas conxuntas.
A edil Yolanda Pedreira manifestou a súa satisfacción despois de manter esta reunión. “Agradecemos a Manolo Cadramón que se teña achegado ata Cervo para interesarse pola nosa conxuntura deportiva, dende as nosas instalacións ata a nosa capacidade para poñer en marcha cursos, eventos e outras actividades” asegura a concelleria “e ao mesmo tempo que nos teña ofrecido a súa colaboración e a da área que dirixe para seguir organizando iniciativas conxuntas”. Pedreira engadiu que “dende o Concello transmitímoslle a nosa aposta polo deporte e o noso interese por seguir potenciando a actividade física entre a veciñanza así como por fomentar a utilización das múltiples instalacións das que dispoñemos”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
