CONCELLO, DEPUTACIÓN E XUNTA PROCEDEN ESTES DÍAS A AMAÑAR DIVERSOS CAMIÑOS “PARA TELOS EN PERFECTO ESTADO DE REVISTA NO INVERNO”, SEGUNDO FERNANDO SUÁREZ.
Ribadeo, 5 de setembro de 2012. O Concello, a Deputación e a Xunta proceden estes días a amañar diversos camiños “para telos en perfecto estado de revista no inverno”, segundo ven de sinalar o alcalde, Fernando Suárez Barcia.
O rexedor explicou que “aproveitando este bó tempo estamos continuando a facer diversas obras de arranxo e de mellora dos camiños municipais, tanto con recursos propios como con persoal e recursos doutras administracións como poden ser a Deputación Provincial de Lugo ou a Xunta de Galicia”.
Suárez Barcia indicou que “nestes días na Devesa un equipo da Deputación de limpeza de gabias están procedendo a amañar camiños coas súas motoniveladoras, palas e camións e tamén contamos que dentro de poucos días a Xunta inicie as obras de aglomerado dun treito importante da estrada de subida a Noceda desde A Devesa. Non nos dará para chegar arriba de todo, pero sí a unha parte importante, resolvendo así xa de xeito permanente ese acceso non só a ese núcleo de poboación, senón que a xente das parroquias costeiras poderá viaxar ás do interior por un lugar moito máis corto, que ter que dar a volta pola vila de Ribadeo”.
O alcalde ribadense relatou que “tamén estamos cunhas axudas da Reserva da Biosfera poñendo unha serie de suxeitacontedores en varias parroquias, atendendo ás demandas que os veciños nos fixeron chegar ao longo dos últimos meses. E o Concello de Ribadeo está a arranxar aínda algúns danos causados polas intensas choivas de 2010, estamos amañando diversos canos de camiños principais e mesmo canalizando algún rego, despois dos laboriosos trámites que tivemos que superar con Augas de Galicia para que nos dese autorización tanto en Vilaosende como en Noceda”.
Fernando Suárez dixo que “estamos entre todos facendo unha serie de melloras, preparándonos para o inverno e estamos a recibir o apoio da Xunta e da Deputación, que seguirá despois da Devesa por outras parroquias máis, para ver si encaramos o inverno cos camiños en perfecto estado de revista”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
