No día de hoxe, na Casa de Cultura de Foz, o presidente da Mancomunidade de Concellos da Mariña Lucense, José Alfonso Fuente Parga, presentou xunto ao secretario xeral de Política Lingüística, Valentín García, o programa de dinamización lingüística “Monólogos de serán”, que chegará a tres localidades da Mariña Lucense, concretamente a Foz, Burela e Ribadeo, esta fin de semana. Ademais, participaron na rolda de prensa Javier Jorge Castiñeira, alcalde de Foz; José María González Barcia, alcalde de Burela; Ana Martínez, concelleira de Desenvolvemento Local e Turismo do Concello de Ribadeo; e Antón Lado, representante da empresa xestora Reverso Comunicación, Cultura e Lingua.
Esta actividade concedéuselle á Mancomunidade de Concellos da Mariña Lucense, ao Concello de Foz e ao Concello de Burela por estar adheridos á Rede de Dinamización Lingüística. A concelleira de Desenvolvemento Local e Turismo, Ana Martínez, agradeceulle ao presidente da Mancomunidade a realización desta actividade no Concello de Ribadeo.
————-
Monólogos de Serán
Xa están en marcha dos Monólogos de Serán, nove sesións coas que a Secretaría
Xeral de Política Lingüística promoverá o uso do galego noutros tantos concellos
adheridos á Rede de Dinamización Lingüística (RDL). O humor, a ironía e a retranca
serán os novos protagonistas desta iniciativa, coa que a RDL quere seguir
visibilizando a acción dinamizadora en lugares abertos e públicos localizados nos
seus concellos e, asemade, potenciar os artistas galegos e en galego, para apoiar
deste xeito a lingua propia do país como principal ferramenta de creación artística.
Da man do monologuista Carlos Meixide, por mediación da empresa xestora
Reverso Comunicación, Cultura e Lingua, esta actividade encherá as prazas e rúas
máis concorridas durante 50 minutos nas fins de semana (venres, sábado ou
domingo) do mes de setembro, todas en horario de 19:30 a 20:20h.
Os obxectivos desta actividade correspóndense cos establecidos no Plan Xeral de
Normalización da Lingua Galega. Nomeadamente, promover o uso do galego;
incentivar o galego como ferramenta de creación artística; aumentar a oferta de
actividades de ocio na nosa lingua e impulsar os espazos en galego destinados ao
tempo de lecer.
Rede de Dinamización Lingüística
Os Monólogos de serán constitúen outra das iniciativa prevista na Programación
anual de actividades para o ano 2012 que o Consello de Membros da Rede de
Dinamización Lingüistica (RDL) aprobou, a proposta da súa Área Técnica, o pasado
mes de decembro.
A RDL é unha iniciativa impulsada polo Goberno galego, a través da Consellería de
Cultura, Educación e Ordenación Universitaria, na que a día de hoxe participan xa
máis de 120 entidades de Galicia, co obxectivo prioritario de establecer e consolidar
vías estables de colaboración, cooperación e coordinación entre as administracións
local e autonómica, dando así un paso máis na promoción planificada do noso
idioma. Ampliar os usos da lingua galega, incrementar o seu prestixio social e
favorecer a súa visibilidade nos distintos ámbitos sociais son os seus principais
propósitos.
O diálogo entre administracións, entidades, fundacións, asociacións, colexios
profesionais, consorcios, entre outras entidades, supón unha nova dinámica de
traballo na que se priorizan a optimización dos recursos, se queren evitar as
duplicidades e se busca favorecer unha política lingüística mais eficiente e eficaz.
A partir dunha planificación lingüística conxunta, a RDL está a definir estratexias
básicas comúns en todo o territorio e compartindo experiencias, materiais e
información entre os seus diferentes membros.
Page 3
Carlos Meixide
*Fotografía de Natasha Lelenco
O humor é o levedo principal deste xornalista e escritor polifacético, coñecido polos
seus monólogos –aderezados coas súas dotes memorísticas- cos que leva entretido
medio país. Traballou como director, guionista e presentador en diversos
programas de entretemento da Televisión de Galicia, canle na que puidemos velo
como actor en series como Un Mundo de Historias ou Pepe o Inglés.
A súa experiencia artística plasmarase nos desternillantes Monólogos de Serán,
contadas nas que o humor e a retranca galega se hibridizarán con curiosidades e
anécdotas da vida cotiá. 50 minutos de diversión en familia chea de reviravoltas
lingüísticas e mais de paradoxos léxicos.
Roteiro
Durante o mes de setembro, os Monólogos de Serán chegarán a…
07/09/2012. Ponteceso. Casa-Museo Eduardo Pondal
08/09/2012. O Grove. Rúa da Pratería
09/09/2012. Castrelo de Miño. Complexo de Turismo Náutico (Avenida de Alejandro
Ferrer)
14/09/2012. Foz. Praza do Conde de Fontao
15/09/2012. Burela. Praza da Mariña
16/09/2012. Ribadeo. Rúa de Rodríguez Murias (zona das Catro Rúas)
22/09/2012. Monforte de Lemos. Parque dos Condes
29/09/2012. Cangas. Praza das Pontes
30/09/2012. Ribeira. Rúa de Galicia (á altura do Museo Municipal)
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
