Medio milleiro de persoas redescobren a Zona Sur este mes a través do programa Km0
– Das 17 rutas organizadas para setembro no marco deste proxecto medioambiental, máis da metade discorrerán pola comarca
– 48 membros da delegación lucense da Asociación Española contra o Cancro fan hoxe o primeiro itinerario da semana, que discorre pola Ribeira Sacra
A Zona Sur concentra este mes máis da metade das rutas e dos participantes do programa Km0 da Deputación, sendo o destino de medio milleiro de persoas e 11 dos 17 itinerarios previstos. A alternativa máis solicitada na comarca é a que combina itinerarios en catamarán e tren turístico polas viñas e adegas con percorridos polas igrexas románicas. De feito, das 11 viaxes previstas para este mes pola Zona Sur, a metade cubrirán este itinerario.
Tras estrearse hai 7 días a 5ª tempada de Km0, a programación continúa nesta segunda semana de setembro con 4 itinerarios, todos precisamente pola Zona Sur. Un grupo de 48 integrantes da delegación da Asociación Española de Loita contra o Cancro (AECC) de Lugo fai este martes a primeira ruta, escollendo a que combina catamarán e tren por viñedos e adegas, e percorridos por igrexas románicas. A programación continuará o mércores cunha paseo en catamarán por Amandi, que farán 48 persoas do Centro de Dinamización da Escola de Calde, de Lugo; o xoves, 48 persoas da Casa da Muller do Concello de Lugo percorrerán os viñedos de Chantada e achegaranse ó embalse e ó pobo de Belesar; e o sábado, dentro da modalidade Km0 Fin de Semana, 48 integrantes do Club Náutico de Foz desprazaranse ó embalse de Vilasouto, ós Muíños de Antero e á igrexa de San Fiz de Hospital.
Como anotarse
Os interesados en participar en Km0 poden inscribirse chamando ó 982-26-00-74/75; ou entrando en www.deputacionlugo.org onde, dende a portada, deberán acceder ó espazo Km0, completar o formulario e envialo á km0@deputacionlugo.org. A continuación, poderán efectuar o pago, que será de 8 euros para grupos de menos de 24 persoas e individuais, e de 5 euros para grupos de máis de 24 persoas, quedando excluídos todos os colexios e institutos públicos. A institución facilita dúas modalidades de pago: persoalmente no servizo de Tesourería (Pazo de San Marcos) ou nas sucursais de NovaGalicia (co número de conta 20800152663110001425).
A reserva e pago das rutas tamén pode facerse a través da plataforma de comercio electrónico www.losproductosdelugo.com da Deputación. Optando por esta alternativa, os participantes teñen un desconto do 10% no custe das actividades.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
