Menores e adultos disfrutaron das actividades organizadas en Burela para celebrar a Semana Europea da Mobilidade

Ducias de nenos, nenas e adultos disfrutaron onte domingo das diversas actividades organizadas polo Concello de Burela para celebrar a Semana Europea da Mobilidade. Houbo xogos deportivos ao aire libre, talleres de maquillaxe e caracterización, As Encaixeiras palillaron na rúa, houbo tamén actuacións musicais e unha merenda saudable. A actuación de maxia a cargo da Asociación de Axuda ao Enfermo Mental A Mariña congregou a moitas persoas durante a tarde, ao igual que a merenda. Nesta mañá de luns, 17 de setembro, nenos, nenas e rapaces disfrutan do circuito de karts no pavillón dos IES e os alumnos de 6º de primaria do CEIP Virxe do Carme participan no xogo de residuos de Sogama. Pola tarde de 16:30 a 18:30 horas o circuito de karts estará aberto ao público no pavillón dos IES. As actividades da Semana Europea da Mobilidade seguirán ata o vindeiro sábado, 22 de setembro, en Burela.

————

INTEGRACIÓN PLENA DA ASOCIACIÓN DE AXUDA Ó ENFERMO MENTAL A MARIÑA NA COMUNIDADE:

Promover a integración social dos nosos usuarios coa conseguinte integración e sensibilización por parte da sociedade , foi o obxetivo claramente conseguido onte en Burela, por parte da Asociación de Axuda ó Enfermo Mental “A Mariña”.

O éxito foi absoluto, cando nos sumamos ós actos organizados co gaio da Semana Europea da Mobilidade.

Así , os usuarios dos nosos Centros de Rehabilitación Psicosocial, participaron activamente, impartindo un obradoiro de foami para nenos e a actuación de maxia dun dos nosos usuários, o Mago Jo, que foi moi aclamada. Ó mesmo tempo , o persoal da Asociación aproveitou para dar información no stand que se dispuxo ademais para mostrar distintos productos artesanais creados nos talleres ocupacionais.

O obxetivo desta iniciativa era loitar contra o estigma , e promulgar unha verdadeira integración dos nosos pacientes na comunidade; de ahi que hoxe estén todos os nosos usuários moi ledos e satisfeitos, o cal repercutirá moi positivamente na sua mellora terapêutica e subida de autoestima.