Os 110 alumnos do CEIP nº1 de Cervo estrean o novo pavillón rematado logo dun investimento da Xunta de case 500.000 euros
-O alcalde de Cervo, Alfonso Villares, visitou hoxe o centro e participou no encontro coa dirección do colexio que mantivo a delegada territorial, Raquel Arias, que valorou de xeito satisfactorio o inicio de curso escolar neste centro
Cervo, 13 de setembro de 2012-O alcalde de Cervo, Alfonso Villares, visitou hoxe o Colexio de Educación Infantil e Primaria (CEIP) nº 1 de Cervo e participou no encontro que a delegada territorial da Xunta en Lugo, Raquel Arias, mantivo coa dirección do centro para avaliar o inicio do curso. Villares destacou que o comezo do período escolar 2012-2013 desenvolveuse “de maneira normalizada” neste centro de ensino no que, “o feito máis sobresaínte é que os rapaces puideron estrear xa o novo pavillón polideportivo”.
O rexedor incidiu en que se tratou dunha obra de culminación, na que se fixo realidade un proxecto que se comezou a executar no 2005, “e que se paralizou só porque algún goberno preferiu deixalo a medias”. O mandatario cervense destacou que todo cambiou coa chegada do actual executivo autonómico, ao que agradeceu “o seu compromiso e a súa sensibilidade coa necesidade de rematar esta obra”.
As obras de finalización do pavillón polideportivo foron financiadas pola Xunta de Galicia, nas que a Consellería de Cultura, Educación e Ordenación Universitaria investiu 441.000 euros.
Os 110 alumnos deste centro cervense (36 de Educación Infantil e 74 de Educación Primaria) dispoñen a partir de agora dunhas instalacións completas para a práctica de exercicio. O mandatario cervense sinalou que “a posta en marcha desta dotación, logo do remate da fase que estaba pendente, supón unha moi boa nova para a comunidade educativa deste centro, pero tamén para todo o conxunto dos veciños do municipio”, e que dispoñen dunhas instalacións “específicas, amplas, modernas, versátiles, máis axeitadas á realidade de Cervo e que permiten facer máis dinámicas as clases de educación física, así como aproveitar o novo espazo para futuras actividades e utilizalo a modo de patio nos días de chuvia”.
Pola súa parte, Raquel Arias valorou tamén de xeito satisfactorio o proceso do inicio do curso escolar neste centro, no que se produciu un incremento e modernización das súas dotacións.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
