O BNG AFIRMA QUE O PP CONVERTEU A MARIÑA NO CAMPION DO PARO
Ana Ermida insiste en que “non é o momento das boas palabras senón dos feitos. É o momento de que o presidente Rajoy, como galego, faga valer os intereses de Galiza fronte ao resto do Estado”
Os nacionalistas demandan un marco tarifario propio para o país e aseguran que “o problema da tarifa eléctrica demostra que é necesario máis autogoberno para saír da crise”
A Mariña, 15 de setembro de 2012. Preto de100 coches participaron na ‘Ruta dos EREs’ organizada polo Bloque Nacionalista Galego para chamar a atención sobre o incremento do paro na comarca e urxir a implementación de políticas cuxo único obxectivo sexa a creación de emprego.
Dende Mondoñedo até San Cibrao, unha caravana automobilística foi pasando por diante dalgunhas das empresas afectadas por expedientes de regulación de emprego como Aglomerados Ecar en Mondoñedo, Móbeis Hermida en Lourenzá, varias do polígono industrial de Foz e Construcións Mon en Burela até chegar á factoría de Alcoa cuxa viabilidade segue a ser incerta.
Sobre a continuidade da planta na Mariña, Ana Ermida, candidata para as vindeiras elecións autonómicas e portavoz do BNG no concello de Barreiros, cualificou de ‘inxusta’ a posición do país con respecto á tarifa eléctrica. “Galiza, por contar con excedente de produción e por ser unha das zonas de España onde a enerxía eléctrica é máis barata ao non ter que pagar custes de transporte, entre outros aspectos, debera poder dispor dunha tarifa eléctrica máis baixa que outras autonomías. O noso país merece un marco tarifario propio, máis cando se está a manter solidariamente o sistema extrapeninsular valorado en 1.800 millóns de euros ao ano”.
Ermida denunciou que “a comarca leva máis de tres anos sendo vítima das políticas do Partido Popular que xa provocaron a desaparición de centros de traballo emblemáticos como o de Cerámica de Sargadelos ou Gres Burela, lastrando, ao mesmo tempo, o futuro do mediano e pequeno comercio”.
Dende o BNG tildan de “desastrosos” os datos do paro na comarca que aseguran “nunca pasou por un momento tan crítico como o actual”. En agosto de 2012 había preto de 5.000 desempregados, un 37 por cento máis que no mesmo período de 2009. “De confirmarse o peche de Alcoa, superaríanse os 8.000 desempregados -insistiu a concelleira nacionalista-; a Mariña quedaría ferida de morte. Unha ferida á que contribúen a conselleira de Traballo, Beatriz Mato, que coñece os problemas das empresas pola prensa, e o conselleiro de Economía e Industria, Javier Guerra, campión do desmantelamento industrial. Ambos, co apoio e recoñecemento dos presidentes Núñez Feijóo e Mariano Rajoy e do ministro de Industria, José Manuel Soria. Ningún galego ou galega é capaz de entender como nun goberno estatal cun presidente nado no país e unha ministra galega, Ana Pastor, é incapaz de loitar polos interese dos seus propios veciños e veciñas”.
“Todos os políticos con competencias na búsqueda de alternativas para que Alcoa permaneza na Mariña deberían explicar que fixeron ao respecto. Alguén ten que responder pola incompetencia dos dirixentes do Partido Popular e cuxas consecuencias recaen en milleiros de familias” – concluíu a candidata nacionalista.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
