Empezan en Cervo as obras para dotar de saneamento ao centro da Asociación de Axuda ao Enfermo Mental A Mariña
-A rede inclúe 290 metros de tubaxes, dos cales 90 son de nova instalación e os outros 200 son aproveitados dunha antiga rede de abastecemento
Cervo, 15 de setembro de 2012-As obras para dotar de rede de saneamento á residencia e centro ocupacional que promove a Asociación de Axuda ao Enfermo Mental A Mariña en Cervo comezaron esta semana. O proxecto inclúe un colector de 290 metros de lonxitude, dos cales se están colocando 90 metros de novas tubaxes de PVC. Os 200 metros restantes non é necesario instalalos xa que o Concello aproveita unhas canalizacións existentes que formaban parte dunha antiga rede de saneamento que xa non se utiliza e que se atopa en perfecto estado. Os traballos estarán rematados previsiblemente nos próximos días.
Con esta obra, que financia ao 100% o Concello, a residencia e centro ocupacional que se está construíndo en Cervo disporá dunha rede de saneamento completa e axeitada ás súas necesidades. O rexedor explica que “dende o Concello quixemos facer a nosa achega a este proxecto dotándoo dun colector de saneamento que permitirá recoller as augas residuais do centro e conducilas ata a rede xeral”.
O rexedor engade que “esta residencia e centro de día terá unha importante repercusión en Cervo e na Mariña e ofrecerá uns servizos moi importantes para os enfermos psíquicos”. Por iso, “é de recoñecer o esforzo que fai a Asociación de Axuda ao Enfermo Mental A Mariña, que impulsou esta construción, así como á Xunta e outras administracións que colaboran no seu financiamento” remata Villares. O primeiro edil cervense tamén incidiu na importancia de “aproveitar canalizacións xa existentes, xa que nos permiten dotar do servizo coa mesma calidade e diminuíndo o seu custo”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
