O secretario xeral dos populares lucenses repite como número tres da candidatura popular ás eleccións do 21 de outubro no que poderá ser a súa terceira lexislatura como parlamentario
Balseiro valora a ampla representación da Mariña na candidatura do PP e sinala a posibilidade de acadar tres deputados populares pola comarca
Xunto a Balseiro, están o exalcalde de Lourenzá Vidal Martínez Sierra, o presidente do PP de Ribadeo, Jesús López Penabad e o secretario xeral de Novas Xeracións en Galicia e tenente de alcalde en Trabada, Juan Francisco López Prieto
Lugo, 15 de setembro de 2012.- O secretario xeral dos populares lucenses e coordinador provincial da campaña electoral para as vindeiras eleccións do 21 de outubro, Jose Manuel Balseiro, valorou hoxe a ampla representación que a Mariña lucense ten na candidatura popular e sinalou a posibilidade de que o PP dispoña de ata tres deputados populares no futuro Parlamento de Galicia.
“De acadar o Partido Popular nove deputados pola provincia de Lugo, circunstancia que é posible, ampliando a representación actual, e no suposto de que volvamos a ser a forza de Goberno en Galicia, é moi posible que tres parlamentarios mariñáns populares estean no Pazo do Hórreo”.
NON É CASUALIDADE
Jose Manuel Balseiro significou que a ampla representación da nosa comarca na candidatura popular “non é unha casualidade”, senón que responde “a un compromiso do PP con esta terra. É acorde co peso específico que A Mariña ten no conxunto da provincia e cos vos resultados acadados polo PP nunha comarca na que, por exemplo, nos últimos procesos electorais, foi a forza maioritaria en todos os concellos”
ESFORZO, TRABALLO E EXPERIENCIA
Jose Manuel Balseiro, quen repite como número tres da candidatura popular ás eleccións do 21 de outubro e, polo tanto, ás portas do que podería ser a súa terceira lexislatura como parlamentario, agradeceu a confianza que Jose Manuel Barreiro, Alberto Núñez Feijóo e os populares lucenses depositaron na súa persoa.
“Estou inmensamente orgulloso de volver a participar no equipo do PPdeG, no proxecto de futuro e amor a esta terra que capitanea Alberto Núñez Feijóo. Prometo responsabilidade, rigor, xestión, experiencia e esforzo por Lugo, pola Mariña lucense” características quen significou son especialmente acaídas para os tempos que corren.
Xunto a Jose Manuel Balseiro, están o exalcalde de Lourenzá Vidal Martínez Sierra, o presidente do PP de Ribadeo, Jesús López Penabad e o secretario xeral de Novas Xeracións en Galicia e tenente de alcalde en Trabada, Juan Francisco López Prieto
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
