A CONSELLARIA DE MEDIO AMBIENTE DEIXA SEN AUGA Á FINCA GALEA DE ALFOZ
O BNG quere denunciar publicamente as prexudiciais actuacións que a Consellaría de Medio Ambiente está a levar a cabo na Finca Galea de Alfoz.
Coa construción da escolleira por parte da devandita consellaría, variouse a altura da presa e máis a distancia, o cal está a deixar sen auga as numerosas canles e cursos fluviais do complexo turístico, coñecido a nivel internacional como Museo da Auga, pola recuperación e divulgación de muíños, batáns e outros enxeños hidráulicos tradicionais da sabedoría labrega.
A Finca Galea ten unha transferencia concedida por Augas de Galiza de 764 litros de auga por segundo, e nalgúns dias non chega a 100.
O descenso do caudal pon en serio perigo non só o funcionamento dos aparellos movidos coa forza da auga senón que fire gravemente o atractivo dun enclave natural e turístico dos máis antigos da comarca.
O BNG está a traballar nunha iniciativa parlamentar pra denunciar esta situación e reorientala, na procura de que a Finca Galea poida desfrutar do caudal preciso pra o desenvolvemento normal das suas actividades, e tanto a poboación local como os visitantes poidan deleitarse neste espazo natural.
A presa sita na devandita finca está a sufrir contínuas actuacións por parte da Consellaría de Medio Ambiente, cando outras presas da contorna (Bacoi, Santo Acisco, Teixeira) apenas reciben a visita dos responsábeis do ente, feito que semella sospeitoso e que delata unha especial fixación coa Finca Galea.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
