O BNG PRESENTA ALEGACIÓNS Á CONTA XERAL DE 2011 DO CONCELLO DE MURAS POLAS IRREGULARIDADES NA CONTRACIÓN DAS OBRAS DE EXECUCIÓN DA ALDEA ETNOGRÁFICA
Critican a ilegalidade na contratación de obras levadas a cabo na Aldea Etnográfica sobre terreos que foron propiedade do propio Alcalde.
Feijoo segue avalando a actitude dun alcalde prepotente que usa o cargo para beneficio persoal
Muras, 6 de setembro de 2012. O BNG da Mariña por medio do seu Viceresponsábel Comarcal, Xoán Antón Estúa unha vez mais a actitude antidemocrática do alcalde de Muras, Issam Algnam Azzam que se negou a responder a preguntas do portavoz municipal nacionalista en Muras, Manuel Requeixo, despois de que este presentara alegacións contra a conta xeral do exercizo 2011 ao entender que existen irregularidades na contratación de obras de execución na Aldea Etnográfica ao conceder parte das actuacións a Comunidades de Béns que legalmente están imposibilitadas para contratar coa administración pública. Segundo Estúa ao alcalde deste concello pono moi nervioso que se pregunte sobre a aldea etnográfica porqué de momento el e a súa familia seguen sendo os máximos beneficiarios deste proxecto e non os veciños de Muras.
O alcalde e a súa familia son os máximos beneficiados económicos polo proxecto da aldea etnográfica
Estúa denunciou que no pleno ordinario do pasado xoves 30 de agosto, onde se debatía a aprobación da Conta Xeral do Exercicio 2011, cunha duración de 10 minutos, o alcalde impediu realizar preguntas ao Concelleiro do BNG en Muras, Manuel Requeixo sobre a xestión económica no ano 2011, ano no que se levaron a cabo as inversións na Aldea Etnográfica. Segundo insistiu o portavoz nacionalista, o alcalde e a súa familia venderon ao concello do que é rexedor municipal terreos, inmobles e madeira por mais de 400.000 euros mediante unhas bases de adquisición feitas a medida dos seus intereses.
O BNG presenta alegacións polas irregularidades na contratación das obras de execución.
Os nacionalistas explicaron que a conta xeral aprobada cos votos a favor dos concelleiros do Partido Popular, a abstención do PSOE e o voto en contra do BNG que presentou as alegacións anunciadas sinalando as ilegalidades de contratar con Comunidades de Bens por estar impedidas para contratar coas administracións públicas, pois só poden contratar persoas físicas e xurídicas e as Comunidades de Bens carecen de dita personalidade, cousa que o alcalde obviou na adxudicación ao contratar con dúas C.B. actuacións por importe de 430.118,82 euros, pasando por riba da Lei de Contratos da Administración do Sector Público e dos acordos da Xunta Consultiva de Contratación,
A falta de respecto no trato á corporación e a mala educación son os principais argumentos deste alcalde.
O pleno tivo lugar nun ambiente de moita crispación e con continúos insultos e ninguneos ao Concelleiro do BNG, sorprendido este ante a rapidez con que se desenrolou (10 minutos) e pedíndolle explicacións ao Sr. Issam Algnam Azzam , pois estábanse a tratar temas que implican á viabilidade económica do Concello de Muras moi importantes polo elevado do gasto , o contexto no que nós movemos e ante o que se considera unha ilegalidade.
O Sr. Feijoo fai a vista gorda e permite que o alcalde siga cometendo irregularidades e enriquecéndose a conta do erario público.
Para Estúa non é de recibo que o alcalde de Muras continúe usando o seu posto como alcalde para o seu beneficio persoal e neste sentido esixe ao Presidente en Funcións da Xunta de Galiza e máximo responsábel do PP que poña orde e cordura entre os seus xa que ten pleno coñecemento do que está a suceder en Muras ao tratarse este tema no Parlamento. Non se pode consentir que o financiamento do Fondo de Compensación Medio Ambiental que neste caso supuxo un investimento de 560.000 euros, serva unicamente para beneficio persoal dun alcalde mentres o presidente da Xunta e do partido continúa mirando cara outro lado como si aquí non pasara nada, concluíu Estúa.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
