JAVIER PARDEIRO: ‘ESPÉRANOS UN PONTE OURENSE FERIDO E PERIGOSO’
Do arrecendo especial que difunden os derbis contaxiarase mañá o Burela FS Pescados por primeira vez en 2012-13, coa svisita ao impoñente pavillón dos Remedio, ás 17.00 horas. “Medirémonos a un Ponte Ourense ferido, polo seu dificultoso inicio de liga, e precisamente máis perigoso pola ansiedade de facerse cos primeiros puntos”, preveu Javier Pardeiro para o gran duelo da terceira xornada de Primeira, no que “se vivirá un ambiente moi animado, nunha cancha onde o Burela FS tamén ten moitos seguidores”.
A escuadra laranxa viaxará nunha boa dinámica competitiva, tras a vitoria ante o Gironella (4-0), e de adestramentos, aínda que coas incógnitas de Lara, cunha escordadura de nocello, Haydee, que segue arrastrando molestias no xeonllo, e Paula, minguada por un proceso catarral.
O técnico mariñán destacou o potencial do rival e amosouse cauto con respecto á cita. “Aínda que perdeu dous baluartes, a xenialidade goleadora de Amparo e a técnica e carácter de Raquel de Souza, o Ponte mantén un bloque con calidade, que ademais recibiu o reforzo dende o Valladolid FS de Rosángela, unha xogadora exquisita coa que teremos que ter especial coidado” analizou Pardeiro, xustificando en certa medida os resultados desfavorables das ourensás: “Aínda que pode parecer sorprendente o inicio dificultoso do Ponte, o calendario non lle axudou moito, posto que se estreou nunha pista moi complidada para calquera, a do Gironella (3-1), e despois a sorte tampouco o acompañou fronte a La Rioja (2-3), un equipo ultradefensivo e moi reforzado xa dende mediados da tempada pasada”.
“Para elas será un grande aliciente conseguir os tres primeiros puntos ante un rival galego, no entanto o Burela FS tamén chega moi motivado; unha vitoria daríanos aire fresco para tocar a zona alta, neste primeiro tramo” vaticinou o adestrador, vendo no derbi “un encontro interesante, divertido e, sobre todo, no que podemos demostrar que podemos ir asumindo unha liña ascendente”.
No banco pontino faltarán Marta, cunha lesión de peroné, e Laura Fernández, castigada cun partido de sanción a semana pasada fronte ás rioxanas.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
