O destino de fondos públicos a sufragar favores políticos: exemplo do modelo de xestión do ente provincial
O Plan de Cooperación da Deputación: un programa público dirixido ao pago de obras solicitadas por edís socialistas
O PP de Lugo votou en contra deste programa xa que do estudo obxectivo das subvencións extráese un amplo número de concesións cuxo solicitantes coinciden con membros de listas electorais do PSOE ou persoas vencelladas politicamente a este partido político
Na concesión das obras, a Deputación prioriza que o beneficio repercuta sobre “amigos”, ante a necesidade real que leva implícita a adecuación
Os populares explican que son numerosas as queixas manifestadas polo rexedores locais en relación co Plan de Cooperación con Entidades Veciñais; polo que piden a Gomez Besteiro máis obxectividades na concesión de subvencións optimizando os fondos públicos
Lugo, 28-09-2012 – O modelo de xestión da Deputación provincial de Lugo identifícase polo destino de fondos públicos ao pago de favores políticos. Así o puxo de manifesto a portavoz provincial, Elena Candia, durante a rolda de prensa celebrada esta mañá e na que analizou a concesión de subvencións dentro do Plan de Cooperación con Entidades, Agrupacións e Asociacións veciñais da anualidade 2012.
Elena Candia explicou que o Grupo do que é voceira votou en contra deste plan na comisión de valoración tras constatar que parte dos fondos deste programa van dirixidos a sufragar obras cuxos solicitantes son ou ben edís socialistas ou ben persoas vinculadas con este partido político.
Candia denuncia que moitas destas obras non son financiadas en base a criterios de obxectividade e necesidade real; senón en relación a que o beneficio repercuta sobre amigos do presidente provincial da Deputación de Lugo, José Ramón Gómez Besteiro; ou sobre os restantes membros do seu equipo.
A portavoz provincial cita exemplos de máis dunha decena de solicitantes que ían nas listas do PSOE tanto nas candidaturas de 2007 como de 2011, aos que se lle suman numerosos casos de obras que benefician directamente a concelleiros socialistas; que repercuten exclusivamente en aldeas onde residen rexedores socialistas; ou que solicitan amigos persoais de alcaldes e familiares de concelleiros e de membros achegados politicamente ao PSOE.
Trala comparativa das subvencións concedidas pola Deputación dentro deste plan durante as anualidades 2011 e 2012; a portavoz popular tamén denuncia que son máis de corenta as entidades ou asociacións preceptoras de subvencións que repiten nas dúas convocatorias. Candia explica que o fin para o que requiren a subvención parte destes entes non é considerado prioritario e cita o exemplo de parques biosaludables que a Deputación chega a financiar durante dúas anualidades e ao mesmo ente. Esta situación de mala xestión dos fondos conleva a exclusión de numerosas solicitudes cuxo fin se caracteriza por unha necesidade clara e obxectiva.
A portavoz do Partido Popular na Deputación provincial solicitoulle en varias ocasións ao ente lucense a optimación de recursos especialmente nunha época de clara necesidade de axustes.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
