AS ARBITRAXES LEVADAS A CABO POLO IGC PERMITEN ATA HOXE QUE CASE 500 FAMILIAS GALEGAS AFECTADAS POLAS PREFERENTES RECUPEREN OS SEUS AFORROS
Ata o momento celebráronse 863 vistas e todos os laudos emitidos foron positivos
O Instituto, dependente da Consellería de Economía e Industria, continúa a reforzar o seu traballo tanto para informar sobre a fórmula da arbitraxe como para a tramitación das solicitudes que ascenden a 14.000
Santiago, 6 de setembro de 2012.- As arbitraxes levadas a cabo polo Instituto Galego de Consumo ata a data, teñen permitido que case 500 familias galegas afectadas pola mala praxis na comercialización de participacións preferentes, recuperaran os seus aforros. Ata o día de hoxe, o Instituto Galego de Consumo, dependente de Economía e Industria, leva celebrados 863 vistas e todos os laudos emitidos polo momento foron positivos para o reclamante.
O traballo que está a realizar o Instituto Galego de Consumo, o primeiro de España na celebración de arbitraxes nos últimos anos, viuse reforzado desde que se autorizou a arbitraxe e arrancou o mecanismo para a celebración das vistas, e hoxe contan con 23 árbitros para aportar maior axilidade ao proceso e levar a cabo o maior número posible de vistas cada día.
Ademais, desde o IGC nas sete cidades galegas, ás máis dun centenar de OMICs en Galicia e ás Asociacións de Consumidores, estase a facilitar información sobre as distintas vías abertas para a reclamación dos afectados polas preferentes. De feito, ademais de xestionar as solicitudes de arbitraxe, que alcanzan as 14.000, o IGC ten enviado máis de 2.000 solicitudes á Fiscalía -coas que artellou a demanda conxunta- e recollido e enviado á Comisión Nacional del Mercado de Valores, 11.800 reclamacións.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
