A priorización dos concellos da súa mesma cor política, a distribución sectaria e electoralista de fondos públicos e a escasa resposta ás demandas dos alcaldes definen ao goberno provincial
A falta de rigor da Deputación lucense maniféstase nunha xestión de claro carácter partidista e caracterizada pola aleatoriedade e a falta de planificación na toma de decisións
O estudo de datos obxectivos, amosa a actitude sectaria da Deputación lucense e polo tanto a falta de “rigor” que o voceiro do BNG, Mario Outeiro, lle demanda aos populares e que el non profesa ante a responsabilidade de xestionar fondos públicos
O responsable de turismo da Deputación, Mario Outeiro, xestiona a súa área de forma aleatoria ás circunstancias, o que se exemplifica na oferta das rutas turística en catamaráns polo Miño e o Sil e que supedita a promoción da Ribeira Sacra á opinión dos usuarios suprimindo rutas beneficiosas para os concellos
Lugo, 12-09-2012 – A falta de rigor da Deputación lucense maniféstase nunha xestión de claro carácter partidista e caracterizada pola aleatoriedade e a falta de planificación na toma de decisións. O estudo de datos obxectivos amosan esta actitude sectaria de Deputación lucense e polo tanto esta rigurosidade que o voceiro do Bloque Nacionalista Galego, Mario Outeiro, lle demanda aos populares, debería ser aplicada na súa planificación dos fondos públicos. Así o puxo de manifesto a portavoz provincial do Partido Popular de Lugo, Elena Candia, quen segue a demandar unha maior responsabilidade e optimación dos fondos públicos, sen detrimento de áreas como lle achaca o goberno provincial aos populares, pero si atendendo e priorizando as demandas dos lucenses e rexedores locais.
O populares criticáronlle en numerosas ocasións ao goberno provincial a priorización dos concellos da súa mesma cor política, a distribución sectaria e electoralista de fondos públicos, a escasa resposta ás demandas dos alcaldes e a deixadez no exercicio das súas competencias. Esta actitude define ao goberno provincial e reflíctese do estudo dos datos aos que ten acceso o Grupo Provincial do Partido Popular.
Elena Candia asegura que o responsable de Turismo da Deputación de Lugo, Mario Outeiro, xestiona a súa área de forma aleatoria ás circunstancias, o que se exemplifica na oferta das rutas turísticas en catamaráns polo Miño e o Sil, chegando a supeditar a promoción da Ribeira Sacra á opinión dos usuarios e polo tanto, suprimindo rutas beneficiosas para os concellos.
A Deputación Provincial de Lugo durante este ano 2012 suprime unha ruta e reduce paradas en áreas recreativas e paraxes, nas que se materializou unha importante inversión para a súa posta en valor. Ademais desta redución, o servizo que ofrece a Deputación provincial de Lugo aos usuarios dificulta que os interesados adquiran billetes e máis tendo en conta que nos momentos de maior demanda, como son fins de semana ou venres pola tarde, os interesados non poden facer reservas.
O Partido Popular interesado por esta xestión preguntou en pleno pola supresión da ruta e pola redución de paradas, obtendo respostas que manifestaban a falta de información e planificación na xestión deste servizo, ata o feito de que Mario Outeiro asegurou que a oferta dependía das circunstancias momentáneas e das decisións espontáneas dos visitantes. En concreto, Mario Outeiro respondeu que non tiñan previsto nin tan sequera o estudo da proposta de restablecemento da ruta. Esta aleatoriedade, falta de información e deixadez nas súas competencias si que, segundo explica Candia, lle permiten ao Grupo Popular cualificar a xestión de Mario Outeiro de carente de rigor, ata o punto que depositan a xestión dun ente provincial nas decisións dos visitantes durante a propia viaxe.
Candia explica que esta situación demostra a pouca implicación da Deputación na planificación deste programa de rutas fluviais. Os populares explican que o programa deseñado polo Goberno provincial nin procura a optimación de beneficios turísticas na Ribeira Sacra, nin explota positivamente o atractivo turístico da comarca. Segundo explica a portavoz provincial, a falta de organización e o descontrol na xestión das rutas por parte da Deputación repercute negativamente na promoción turística dos concellos da zona e máis tendo en conta que incluso algúns destes municipios manteñen aberta a súa oficina de turismo todos os días da semana e con gran demanda grazas a estas rutas fluviais.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
